Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM-BEHEERKAMER VIR GAUTENG, LIMPOPO EN MPUMALANGA HANTEER MEER AS 960 GEVALLE IN APRIL

DeurAfriForum 04/05/202103/09/2021

AfriForum se beheerkamer vir Gauteng, Limpopo en Mpumalanga het in April 2021 meer as 960 gevalle gehanteer en die organisasie se buurtwagte in dié provinsies ondersteun. Die doel van die beheerkamer is om AfriForum-buurtwagte te ondersteun deur te verseker dat hulp en die nodige hulpbronne vinniger ontbied kan word.

AfriForum-buurtwagte in dié drie provinsies het in April altesaam 760 patrollies gery (194 in Gauteng, 120 in Mpumalanga, 446 in Limpopo), waaraan 775 mense deelgeneem het.

“Gevalle wat baie in dié streek uitstaan, is onluste. Die getal onluste in die drie provinsies is hoër as gewoonlik. In Januarie was daar nege gevalle van onluste, in Februarie 30, in Maart 104 en in April 83,” sê Llewellyn Hemmens, AfriForum se veiligheidskoördineerder vir Gauteng, Limpopo en Mpumalanga.

“Die beheerkamer bied talle voordele aan AfriForum-buurtwagte. Dit wys misdaadtendense uit en watter tipe misdaad in sekere gebiede toeneem. Met betrekking tot tendense wat toeneem, kon ons duidelik tydens Paasnaweek sien dat misdaad beduidend toegeneem het. Dit het daartoe gelei dat ons meer patrollies gehou het,” sê Hemmens.

AfriForum doen weereens ŉ beroep op lede van die Gautengse publiek om waardevolle items uit hul voertuie te verwyder en te verseker dat voertuie op ’n veilige plek gestop word. Voertuigdiefstal het in Maart en April in dié gebied toegeneem.

Raak by jou naaste AfriForum-buurtwag betrokke en maak ’n daadwerklike verskil in jou gemeenskap: SMS jou dorp se naam na 45353 (R1).