Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwagte help SAPD met arrestasie van poging-tot-moord-verdagte

Deur 20/08/202002/11/2020

Buurtwaglede van AfriForum se Pietersburg- en Mojadjiskloof-buurtwagte het op 18 Augustus 2020, saam met SPS Services, Mighty Tactical Reaction Service en die gemeenskapspolisiëringsforum (GPF), die SAPD gehelp om ’n gewapende rower wat op die polisie geskiet het, vas te trek.

Die SAPD het omstreeks 18:00 inligting van ’n gewapende rower in ’n wit Golf 6 met vervalste nommerplate in Pietersburg ontvang. Sekuriteit, buurtwaglede en GPF-lede het die polisie ondersteun deur die voertuig dop te hou, toegangsroetes te beman en inligting aan die SAPD deur te gee oor die beweging van die verdagtes.

Ná ’n jaagtog van ongeveer drie uur deur Pietersburg en die omliggende gebiede is die verdagte en die voertuig opgespoor. Die voertuig het in die veld in Penina Park ingejaag. Die verdagte is in hegtenis geneem vir poging tot moord op ’n polisiebeampte en die saak word verder ondersoek.

“Ek wil die buurtwaglede wat gehelp het om te reageer en inligting deur te gee, bedank vir hulle hulp. Ons sal voortgaan om bystand te lewer waar ons kan sodat ons ’n veilige omgewing kan skep,” sê Arnold Smith, voorsitter van AfriForum se Pietersburg-buurtwag.

“Ons kon goed sien dat elkeen ’n rol het om te speel en die buurtwag kon ’n verskil maak aan die uitkoms deur belangrike punte te beman. Buurtwagte speel al hoe meer ’n wesenlike rol in gemeenskapsveiligheid. Ons bou stukkie vir stukkie aan ’n sisteem van onderlinge samewerking sodat ons ’n veilige toekoms kan verseker,” sê Andries Opperman, AfriForum se veiligheidskoördineerder vir Limpopo.

Raak by AfriForum in Limpopo betrokke: Laai die Telegram-toep af en soek vir @AfriForumBuurtBot (https://t.me/AfriForumBuurtBot). Of SMS “noordstreek” na 45350 (R1).