Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum-buurtwagte in die Vrystaat, Noordwes en KwaZulu-Natal neem aan nasionale patrollie deel

DeurAfriForum 22/09/202002/11/2020

AfriForum-buurtwagte in die sentraalstreek – wat die Vrystaat, Noordwes en KwaZulu-Natal insluit – het op Vrydag 18 September aan dié burgerregteorganisasie se nasionale patrollie deelgeneem.

In die Vrystaat het altesaam 17 AfriForum-buurtwagte en 280 patrolleerders in 151 voertuie deelgeneem. Hulle het meer as 5 500 km afgelê en 28 voorvalle suksesvol in samewerking met die SAPD hanteer.

Die AfriForum-buurtwagte in Hluhluwe, Margate, Newcastle, Vryheid en Pongola het ook aan die patrollie deelgeneem. Dit het 172 patrolleerders in 111 voertuie betrek, en altesaam het hulle meer as 4 500 km afgelê. Tien voorvalle is in dié provinsie in samewerking met die SAPD hanteer.

In Noordwes het altesaam 20 buurtwagte, 918 patrolleerders en 499 voertuie aan die patrollie deelgeneem en meer as 16 600 km afgelê. Sowat 57 voorvalle is suksesvol hanteer.

Ander veiligheidsinstansies – onder meer die SAPD, sekuriteitsmaatskappye en nooddienste – het saam met AfriForum aan die patrollie deelgeneem.

“AfriForum loods dié nasionale patrollies om sigbaarheid en samewerking te verbeter en die veiligheid van ons gemeenskappe te verseker,” sê Joseph Renaud, AfriForum se hoof van gemeenskapsveiligheid vir die sentraalstreek.

“AfriForum doen ’n beroep op gemeenskappe om betrokke te raak en hul veiligheid self te prioritiseer. Ons kan nie op die staat alleenlik steun om na ons veiligheid om te sien nie. Raak by enige plaaslike veiligheidsinstansie in jou omgewing betrokke of sluit vandag nog by AfriForum aan en word deel van die oplossing,” sluit Renaud af.

Maak ’n daadwerklike verskil in jou gemeenskap deur vandag nog by jou plaaslike buurtwag aan te sluit. SMS “Buurtwag” na 31481 (R1).