Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-buurtwagte verhoog sigbaarheid voor feesseisoen

Deurafriforum 11/11/201902/11/2020

AfriForum het op 30 Oktober 2019 ’n nasionale projek van stapel gestuur om buurtwagsigbaarheid oor die komende feesseisoen te verhoog. Na verwagting sal misdaad oor die komende feesseisoen toeneem; daarom wil AfriForum se buurtwagte ’n verskil in hul onderskeie gemeenskappe maak deur inwoners met hoë sigbaarheidsaksies gerus te stel en te beveilig.

As deel van dié nasionale sigbaarheidsaksie het AfriForum se Pretoria-Wes-buurtwag op Saterdag 2 November ’n voetpatrollie gehou om sigbaarheid in dié gebied te verhoog. Op Saterdag 9 November het AfriForum se Pionier-buurtwag ook aan ’n sigbaarheidspatrollie deelgeneem en 175 km met sewe voertuie afgelê.

“Sigbaarheid speel ’n deurslaggewende rol om misdaad te bekamp. AfriForum se buurtwagte sal daarom klem op verhoogde sigbaarheidsaksies in hul onderskeie gebiede lê,” sê Jaco Grobbelaar, AfriForum se distrikskoördineerder vir Groter Pretoria. “Aksies soos hierdie bevorder ook samewerking tussen verskillende rolspelers. Gemeenskappe moet eienaarskap van hul eie veiligheid neem en die SAPD binne die raamwerk van die wet ondersteun om hul omgewings te beveilig.”

Raak by jou plaaslike AfriForum-buurtwag betrokke: SMS jou naam na 45341 (R1).