Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum en TKAG betoog teen hidrobreking by Shell SA-hoofkantoor

Deur 07/11/201702/11/2020

AfriForum en die omgewingsorganisasie, Treasure Karoo Action Group (TKAG), het onlangs betoog teen Shell Suid-Afrika se aansoeke om met hidrobreking in verskeie dele van Suid-Afrika, veral die Karoo, voort te gaan.

Plakkate en pamflette teen hidrobreking, asook botteltjies vol water wat deur hidrobrekingchemikalieë besoedel is, is aan Shell-personeel versprei wat by dié oliemaatskappy se hoofkantoor in Johannesburg werksaam is.

Die burgerregte-organisasie het tydens die betoging ook ’n ope brief aan Shell oorhandig waarin hulle vereis dat dié maatskappy sy planne rondom hidrobreking staak.

Shell SA het gevolglik die SAPD ingeroep om AfriForum van die perseel te verwyder.

Volgens Marcus Pawson, hoof van omgewingsake by AfriForum, het Ben Beurden, hoof uitvoerende beampte van Royal Dutch Shell in Nederland, vandeesweek bevestig dat hy AfriForum en TKAG se brief ontvang het. Hy het onderneem dat die Shell leierskap in Suid-Afrika AfriForum sal skakel vir ’n gespreksessie rondom hidrobreking.

Kyk die video by: https://www.youtube.com/watch?v=pyd3a797lnI