Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum gaan 2 000 slaggate tydens “Slaggatmaand” herstel

Deur 03/05/201602/11/2020

Die burgerregte-organisasie gaan vandeesmaand ŉ nasionale veldtog genaamd “Slaggatmaand” van stapel stuur waartydens sowat 2 000 slaggate landwyd herstel sal word.

Marcus Pawson, hoof van plaaslike regerings by AfriForum, sê die doel met die projek is om selfdienslewering onder gemeenskappe te versterk. “Met ons 10 Dae van Selfstandigheid-veldtog in 2015 is sowat R1,3 miljoen bestee om slaggate te herstel. Ons wil met hierdie projek ŉ groter impak maak om paaie landwyd te verbeter.”

Hy sê ook dat AfriForum-takke daarop gaan fokus om deur saakwaarneming die munisipaliteite finansieel verantwoordelik te hou waar hulle versuim het om hul pligte na te kom.

“Uit ervaring het ons geleer dat wanneer gemeenskappe hul onderskeie munisipaliteite aanspreek en vra om hierdie tipe dienste te lewer of te verbeter, vorder hul gewoonlik nie verder as ŉ vergadering met plaaslike amptenare nie. Daarom het AfriForum verlede jaar begin met hierdie selfdoen-inisiatiewe om selfdienslewering te verbeter.”

ŉ Totaal van 125 AfriForum-takke gaan aan die projek deelneem en 1 500 ton teer sal gebruik word om slaggate in hul onderskeie dorpe te herstel. Die projek sal sowat R2 miljoen beloop.

“Slaggatmaand” skop af op Maandag 9 Mei 2016 en sal vir die res van die maand duur. AfriForum-lede is welkom om vir Forum Nuus foto’s te stuur na tydskrif@afriforum.co.za waar hul strate herstel word.