Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Groter Moot-tak woeker voort in Maartmaand

DeurAfriForum 23/03/202223/03/2022

AfriForum se Groter Moot-tak het oor die langnaweek in samewerking met gemeenskapslede ’n skoonmaakprojek geloods en die spruit tussen 24ste- en 25ste Laan, langs Terblanchestraat, skoongemaak.

Die tak se tuinspan het ook weereens bewys dat hul hande vir niks verkeerd staan nie deur op 22 Maart ses slaggate in die Moot-omgewing te vul.

“Die gemeenskap het werklik hande gevat om ’n positiewe verskil in die omgewing aan te bring. Baie dankie aan almal wat hierdie projekte moontlik maak. Ek wil die gemeenskap uitnooi om betrokke te raak by AfriForum se ander projekte wat die omgewing beveilig en verbeter,” sê Sampie Steinberg, AfriForum se distrikskoördineerder vir Groter Pretoria-Noord.

“Dit is bemoedigend dat ons lede deelneem en betrokke raak by AfriForum se selfdoen- en veg-en-bou-planne. Ons is dankbaar vir elkeen wat betrokke is,” sê Ruan du Plessis, voorsitter van die Groter Moot-tak.

Rapporteer slaggate by die Tshwane Metro deur ’n e-pos te stuur na pothole@tshwane.gov.za en meld dit daarna aan by die AfriForum Buurtbot op Telegram (https://t.me/AfriForumBuurtBot).

Om by AfriForum se Groter Moot-tak aan te sluit, laai die Telegram-toep af en soek @AfriForumBuurtBot (https://t.me/AfriForumBuurtBot) of SMS “Groter Moot” na 45340 (R1).