Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum maak begraafplase landwyd skoon met Rus In Vrede-veldtog

Deur 13/09/201702/11/2020

Sedert Junie vanjaar het verskeie AfriForum-takke landwyd ingegryp en self begin om begraafplase skoon te maak en op te knap as deel van hul Rus In Vrede-veldtog.

Tydens dié veldtog het AfriForum ondersoek ingestel na die toestand van verskeie begraafplase in die land en bevind baie mense moet jaarliks toekyk hoe hul geliefdes se grafstene geplunder word of onder bossies toegroei. Luidens mediaberigte word tientalle grafstene ook jaarliks gesteel en die waardevolle marmer of graniet verkoop of selfs vir kombuistoonbanke gebruik.

AfriForum-takke in Rustenburg, Witrivier, Belfast, Phalaborwa, Standerton, Middelburg, Brakpan en Daniëlskuil het reeds met werk by begraafplase begin.

Die AfriForum-tak in Klerksdorp het ook in Augustus na afloop van ŉ nasionale veiligheidspatrollie die Stilfontein-begraafplaas skoongemaak.

Skrywes met versoeke dat begraafplase in samewerking met AfriForum skoongemaak word, is ook aan die Ekurhuleni-metro en die plaaslike munisipaliteite van Naledi, Tswaing, Lekwa-Teemane en Mamusa gerig.

Volgens Wico Swanepoel, AfriForum se distrikskoördineerder vir Gauteng, het munisipaliteite ŉ grondwetlike plig om begraafplase skoon te maak en te onderhou. “Die munisipaliteite se versuim om hierdie verpligtinge na te kom, getuig van die vlak van wanbestuur en ook hul ongeërgde houding jeens die gemeenskap.”

“AfriForum sal voortdurend druk op munisipaliteite toepas om hul verantwoordelikhede na te kom. Tot dan is selfdoeninisiatiewe soos hierdie veldtog die beste resep,” sê Chris Trytsman, voorsitter van AfriForum se Rustenburg-tak.

Tiaan Oosthuizen, AfriForum se distrikskoördineerder vir Noordwes, sê dat aksies soos hierdie hoop skep en staatsonafhanklikheid binne gemeenskappe bevorder.