Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum Malmesbury-tak reorganiseer

DeurAfriForum 01/10/202104/10/2021

Die AfriForum-tak in Malmesbury het op 29 September 2021 ’n vergadering gehou waartydens die tak se bestuur gereorganiseer is. Gemeenskapslede kon hul insette lewer en nominasies maak oor die bestuurslede wat die tak sal verteenwoordig. Verskeie bekommernisse oor die gebied is ook tydens die reorganiseringsvergadering bespreek en die bestuur gaan aandag aan hierdie probleme skenk.

Die volgende persone is tot die bestuur verkies: Kim Poulton (voorsitter), Anton Rossouw (ondervoorsitter), Monica Thompson (tesourier), Louise Moss (sekretaris), Alex Szlanina (gemeenskapsveiligheid) en Johan Visser (plaaslikeregeringsake).

“Ons is dankbaar dat die gemeenskap hulle vertroue in ons as takbestuur gestel het. Ons wil graag saam met die gemeenskap werk om volhoubare selfdoenprojekte van stapel te stuur en ons gemeenskap te help beveilig,” sê Kim Poulton, voorsitter van AfriForum se Malmesbury-tak.

Johardt van Heerden, AfriForum se distrikskoördineerder vir die Boland, het die gemeenskap vir hul insette tydens die reorganisasie bedank, asook die bestuurslede vir hul bereidwilligheid om op die takbestuur te dien. “Ek is opgewonde oor die nuwe bestuur en is vol vertroue dat hulle nog vele suksesse in die toekoms gaan bereik.”

Die takbestuur moedig die gemeenskap aan om vandag nog by dié tak betrokke te raak en deel van die oplossing te word: SMS “Malmesbury” na 45350 (R1).