Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum mobiliseer meer as 5 000 mense vir nasionale patrollie

Deurafriforum 24/07/201802/11/2020

Die burgerregte-organisasie AfriForum het die afgelope naweek meer as 5 000 mense regoor die land vir ’n nasionale patrollie gemobiliseer.
Nagenoeg 110 AfriForum-buurtwagte het in 2 292 voertuie ’n totaal van 51 881 km afgelê. Bykans 120 insidente is suksesvol tydens die verskeie patrollies hanteer, insluitend die afwering van ’n moontlike plaasaanval in Delmas.
Verskeie sekuriteitsmaatskappye, gemeenskapspolisiëringsforums, insleepdienste, polisiestasies, plaaslike besighede, paramediese dienste en verkeersafdelings het saam met die AfriForum-buurtwagte aan die patrollie deelgeneem.

“Die doel van die nasionale patrollie was om gemeenskappe teen misdaad te mobiliseer en sigbaarheid en samewerking op nasionale en plaaslike vlak te verbeter. Die aantal insidente wat tydens die patrollies hanteer is, dui daarop dat dit ’n suksesvolle strategie is om misdadigers hok te slaan en misdaad te bekamp. Gemeenskappe moet in samewerking met die SAPD verantwoordelikheid vir hul eie veiligheid neem,” sê Hillel Coetzer, AfriForum se veiligheidskoördineerder vir die noordstreek.
“Nasionale sigbaarheidsprojekte soos hierdie is nodig om die SAPD te help om misdaad te voorkom en te bekamp. Die gemeenskap het ’n integrale rol om die SAPD by te staan om hul onderskeie gemeenskappe te beveilig,” sluit Johandré van Zyl, AfriForum se veiligheidskoördineerder vir die Noord-, Oos- en Wes-Kaap, af.

Raak vandag nog by jou plaaslike AfriForum-tak betrokke: SMS jou naam na 45353 (R1).