Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum-navorser op pad na VSA om oor plaasmoorde te praat

Deur 06/09/201702/11/2020

’n Misdaadanalis en navorser by die burgerregte-organisasie vertrek Vrydag na die VSA waar sy by die jaarlikse opleidingskonferensie van die Internasionale Vereniging van Misdaadanaliste (IACA) ’n voorlegging sal doen.

Lorraine Claasen van AfriForum se Navorsingsinstituut (ANI) gaan ’n referaat in New Orleans oor die voorkoms van plaasmoorde en –aanvalle in Suid-Afrika lewer.

Sedert 1990 was daar 1 860 plaasmoorde en 4 116 aanvalle.

Claasen gaan ’n oorsig van die krisis gee en wys op die uitdagings waarmee die SAPD en ander rolspelers te kampe het om doeltreffende misdaadanalise te doen ten einde die voorkoms van dié misdaad pro-aktief aan te pak.

Sy sal ook na die regering se hantering van plaasmoorde verwys wat hul nog nooit oor die erns van dié misdade uitgespreek het nie. Daar was wel vanjaar vir die eerste keer ’n debat daaroor in die parlement. Plaasmoorde en –aanvalle in Suid-Afrika gaan dikwels met ekstreme vlakke van brutaliteit en marteling gepaard.

Claasen gaan ook by ander internasionale misdaadanaliste kers opsteek oor ander moontlike vorme van misdaadanalise wat in Suid-Afrika oorweeg kan word om ’n einde aan geweld te bring.