Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Korrupsie Mediaverklarings | Mediaverklarings

AFRIFORUM SAL NUWE SEB-KODES VIR DIE REGSEKTOR BEVEG

DeurAfriForum 15/03/202103/09/2021

AfriForum het vandag kommentaar ingedien oor die voorgestelde veranderinge aan die regspraktisynsraad se breëgebaseerde swartekonomiesebemagtiging- (B-BSEB) regssektorkode. Volgens die organisasie is sy regspan ook gereed om die kodes in die hof te beveg indien dit nodig sou wees, omdat die voorgestelde veranderinge ’n drastiese impak op regspraktisyns het.

Volgens die burgerregteorganisasie raak dit reeds toenemend moeiliker vir wit regspraktisyns om mee te ding omdat verskeie groot rolspelers in die bedryf, soos die padongelukkefonds, reeds verkies om swart regsverteenwoordigers aan te stel. AfriForum meen daarom dat die nuwe kodes rassisties en moreel onregverdigbaar is.

“Padongelukkefonds-sake maak sowat 80% van die sake op die hofrol in die Gautengse hooggeregshowe uit. Dit is maar net een voorbeeld van waar swart regspraktisyns reeds bevoordeel word. Dit verminder reeds wit regspraktisyns se kanse aansienlik om kliënte te kry,” sê Ernst Roets, AfriForum se hoof van Beleid en Aksie.

Boonop is die kodes ook teenstrydig met dele van die Grondwet, soos artikel 22, wat handel oor vrye handel en die keuse van beroep. Die kodes sal tot gevolg hê dat regsfirmas hul inkomste moet bekend maak. Aangesien baie regspraktisyns onder hul eie name sake doen, beteken dit dus dat hulle hul persoonlike geldsake sal moet bekend maak, wat strydig is met artikel 14 van die Grondwet.