Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Benoni-tak rol moue op om dorp te verbeter

DeurAfriForum 16/05/202216/05/2022

Die AfriForum-tak in Benoni het op 14 Mei slaggate gevul en ’n skoonmaakprojek aangepak, nadat ’n aantal klagtes ontvang is van slaggate wat die paaie onveilig maak en van publieke ruimtes wat vuil is. Altesaam 25 slaggate is in Woburnrylaan, Bunyanstraat, Swanstraat en Russellstraat gevul. AfriForum se span het ook in Bunyanstraat die gras op die sypaadjie gesny, die stormwaterdrein skoongemaak, rommel opgetel en ’n onwettige kennisgewingbord verwyder.

“Hierdie projeekte is ’n uitstekende voorbeeld van die sukses wat behaal kan word indien ’n gemeenskap saamstaan en weier om swak dienslewering te aanvaar. Deur harde werk kan ons die toekoms van Benoni positief beïnvloed. Met hierdie projek stuur ons ’n boodskap dat ons verantwoordelikheid neem vir ons eie areas. Ons sal self onderhoud en herstelwerk doen as die metro dit nie doen nie,” sê Achilles Mouyis, voorsitter van AfriForum se Benoni-tak.

“Met hierdie projek wil AfriForum wys dat ons nie sal huiwer om ons gemeenskap in moeilike tye te ondersteun nie. ’n Groot dank aan ons AfriForum-lede in Benoni wat nie skroom om hul moue op te rol en aan die werk te spring nie. Dit is opbouend om te sien dat mense eienaarskap van hul gemeenskappe neem en dat hulle besef dat hulle nie op die metro kan staatmaak nie. Baie dankie ook aan ons AfriForum-lede wie se finansiële bydraes hierdie projekte moontlik maak,” sê Petrus Coetzee, AfriForum se distrikskoördineerder vir die Oos-Rand.

Word vandag nog deel van AfriForum se Benoni-tak: SMS “Benoni” na 45340 (R1) of stuur ’n e-pos na benoni@afriforumtak.co.za om betrokke te raak.