Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Bloemfontein-takke skenk handreiniger

Die AfriForum-takke in Bloemfontein het oor die afgelope twee weke 500 liter handreiniger aan die Suid-Afrikaanse Nasionale Weermag (SANW), brandweerdienste, verkeersdepartemente, ’n skool vir outistiese kinders, ’n nasorgsentrum vir gestremde persone en verskeie ouetehuise geskenk om die veiligheid van inwoners en personeel te verseker. AfriForum is oorval met versoeke van verskillende organisasies en die nege AfriForum-takke in Bloemfontein (Leeuwberg, Uitsig, Pellissier, Fichardtpark, Hospitaalpark, Wilgehof, Langenhovenpark, Rayton-Heuwelsig en Bloemfontein-Noord) het daarom besluit om dié skenking te maak.

Die volgende instansies het skenkings ontvang:

SANW 3 Militêre Hospitaal
Militêre polisie
Munisipale verkeersdepartement
Provinsiale verkeersdepartement
Mangaung-brandweerdienste
Lettie Fouché Skool vir outistiese kinders
VS Nasorgsentrum vir gestremde persone
Rosenheim-aftreeoord se versorgingseenheid
Fichardtpark-aftreeoord se versorgingseenheid
Bayswater-aftreeoord se versorgingseenheid
Stirling Mediese Sentrum
ER24
MED24
Netcare 911
VR Sekuriteit
ITR Sekuriteit

Volgens Joseph Renaud, AfriForum se veiligheidshoof vir die sentraalstreek, het die COVID-19-krisis ouetehuise en diensorganisasies onkant gevang en was hulle nie voorbereid op die toename in die gebruik van mediese voorraad nie. Dié voorraad is boonop moeilik bekombaar en instansies word uitgebuit met buitensporige pryse omdat die aanvraag vir handreiniger nou aansienlik hoër is. Personeel van die instansies wat handreinigingsmiddel ontvang het, is daarom baie dankbaar vir die bydrae wat AfriForum aan hulle gemaak het.

“Dit is ’n voorreg dat ons Bloemfontein se noodsaaklike personeel in hierdie tyd van inperking kan ondersteun en sovêr moontlik veilig hou, aangesien hulle verantwoordelik is om die mees kwesbare lede van die gemeenskap te versorg. Ons is opreg dankbaar vir elke nooddienswerker wat hulle eie gesondheid opsy plaas om na die publiek, wat hulle veral nou baie nodig het, om te sien. Saam maak ons met elke projek, ongeag hoe groot of klein, ’n verskil in ons gemeenskap,” sê Christo Groenewald, AfriForum se distrikskoördineerder vir die Rosestad.

Sluit vandag nog by AfriForum aan: SMS jou naam na 45353 (R1).