Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AFRIFORUM SE BOKSBURG-BUURTWAGLEDE DRA BY TOT REUSESUKSES

DeurAfriForum 19/07/202106/09/2021

AfriForum se Boksburg-buurtwaglede het op 17 Julie 2021 saam met die plaaslike SAPD ’n spesiale operasie uitgevoer.

Dié operasie het padblokkades regdeur die dorp ingesluit. Die padblokkade wat by Atlasweg gehou is, het veral vrugte gedra toe daar beslag gelê is op twee ongelisensieerde vuurwapens, ammunisie vir verskeie vuurwapens en dagga.

“Dit is groot suksesse soos dié wat gemeenskappe beveilig en wat die verhoudings tussen veiligheidstrukture in gemeenskappe versterk,” sê Dewet Ungerer, AfriForum se distrikskoördineerder vir die Oos-Rand.

Ungerer voeg by dat AfriForum dankbaar is om saam met die SAPD en ander sekuriteitsmaatskappye te werk om die gemeenskappe te beveilig. “Dit het in die laaste paar weke weer duidelik geword dat buurtwagte en ander veiligheidstrukture binne die gemeenskap van kritiese belang is om die owerhede by te staan wanneer gemeenskappe in gevaar is,” sluit Ungerer af.

AfriForum se Boksburg-buurtwag sal ook in die toekoms meer gereeld aan hierdie tipe operasies deelneem om misdaad hok te slaan.

Raak vandag nog by jou plaaslike AfriForum-buurtwag betrokke: SMS “Buurtwag” na 45353 (R1).