Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AfriForum se Gordonsbaai-buurtwag ontvang opleiding

Deur 08/08/201902/11/2020

AfriForum se Gordonsbaai-buurtwag, wat deel van dié burgerregteorganisasie se Helderbergkom-tak vorm, het op 6 Augustus 2019 opleiding in toneelhantering en patrollievaardighede ontvang. David Olivier, AfriForum se veiligheidskoördineerder vir die suidstreek, het dié opleiding aangebied, wat deel vorm van ’n opleidingsprogram wat AfriForum se veiligheidstrukture ontwikkel het om hul veiligheidsnetwerk uit te brei en te versterk.

“Die opleiding is uiters belangrik vir vrywillige lede wat hul lewens daagliks op die spel plaas om hul gemeenskappe te beveilig,” sê Deon de Jager, AfriForum se distrikskoördineerder vir die Boland.

De Jager sê dat die tyd aangebreek het vir gemeenskappe om saam te staan, ongeag die organisasies betrokke. Gemeenskappe kan hulself slegs deur die nastreef van ’n gemeenskaplike doelwit beskerm. “Met dit in gedagte nooi ons elkeen in Gordonsbaai uit om saam met ons te werk om ’n veilige dorp sáám te verseker,” sluit De Jager af.

Raak by AfriForum se Helderbergkom-tak betrokke: SMS “Helderbergkom” na 45342 (R1).