Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Richardsbaai-tak dien GOP voorstelle in

DeurAfriForum 25/04/202225/04/2022

Die AfriForum-tak in Richardsbaai het op 21 April voorstelle vir die jaarlikse Geïntegreerde Ontwikkelingsplan (GOP) by die uMhlathuze Plaaslike Munisipaliteit ingedien. Hierdie voorstelle is gemaak om die beskadigde en vervalle ablusiegeriewe en die gebou wat lewensredders as uitkykpunt gebruik by Alkantstrand te herstel en op te gradereer.

“Hierdie gebou het dringend aandag nodig om toeriste se veiligheid op ons strande te verseker. Die swak toestand van hierdie geriewe hou definitief ’n veiligheidsrisiko in en plaas ons toerisme en ekonomie in gedrang,” sê Ian Rapson, voorsitter van die Richardsbaai-tak.

“Dit is belangrik dat takke deelneem aan die GOP-proses om hierdie tipiese voorstelle in te dien wat sal bydra tot ontwikkeling in ons gemeenskappe. Ons het al suksesvolle voorstelle ingedien wat in die GOP opgeneem en afgehandel is,” sê Eugene van Aswegen, distrikskoördineerder vir KwaZulu-Natal.

“Ons wil die uMhlathuze Plaaslike Munisipaliteit bedank vir hul dienslewering. Hierdie munisipaliteit is onder die 10 top munisipaliteite in Suid-Afrika en die AfriForum-tak in Richardsbaai wil help om hierdie status te behou,” sê Rapson verder.

Die AfriForum-tak in Richardsbaai nooi die gemeenskap uit om aan te sluit by hul Facebook-blad en deel te neem aan verdere projekte in Richardsbaai.

Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Richardsbaai” na 45344 (R1).