Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

AFRIFORUM SE SPRINGS-BUURTWAG HOU SIGBAARHEIDSPROJEK

DeurAfriForum 19/01/202102/09/2021

Die AfriForum-buurtwag in Springs het op 15 Januarie in samewerking met die SAPD ’n sigbaarheidsprojek in die sentrale sakegebied van Springs uitgevoer. Dié gebied is ’n geruime tyd lank ’n seeroog vir die publiek weens die vullis en sluipslapers wat in die verlate geboue slaap.

AfriForum se Springs-buurtwag, lede van die gemeenskap en die SAPD het aan die projek deelgeneem. Verskeie juwele, handgemaakte wapens, rotgif en dwelms is gevind en een persoon is weens die besit van dwelms in hegtenis geneem.

“Die gebied lyk nog nie perfek nie, maar ons hoop dat sulke projekte die gemeenskap sal aanspoor om die veiligheid van die dorp proaktief te help verseker. AfriForum sal voortgaan om ander probleemgebiede in die dorp met soortgelyke selfdoenaksies aan te pak,” sê Cornel Swart, voorsitter van AfriForum se Springs-tak.
“AfriForum se Springs-buurtwag wil tot ’n veiliger, skoner gemeenskap bydra. Ons doen daarom ’n beroep op inwoners om by ons plaaslike strukture betrokke te raak en te verseker dat ons meer suksesse bereik,” sluit Swart af.