AfriForum se teenboelieveldtog

skoolbesoeke

AfriForum se teenboelieveldtog skep sedert 2017 regoor die land bewustheid en bemagtig laerskoolleerders om teen boeliegedrag op te staan en sélf ’n verskil in hul skole te maak.

Laai die Teenboeliegids hier af.

AfriForum het in 2020 nog ’n been van die teenboelieveldtog bekendgestel. Dié been fokus meer op hoërskole en die tema van selfdood. Afkounery en selfdood loop in baie gevalle hand aan hand en dit is dus belangrik om bewustheid hieroor te skep. Stuur gerus ’n e-pos aan nicolene.muller@afriforum.co.za of leandie.brasler@afriforum.co.za as jou skool van dié aanbiedinge gebruik wil maak.

Gidse

  1. AfriForum se teenboeliegids:

Die AfriForum Teenboeliegids help kinders/leerders om die definisie en impak van boeliery/ afknouery te verstaan deur dit te vergelyk met ‘n lelike, omgekrapte boeliereus. Hierdie metafoor sal kinders help om bewus te raak van die rol wat hulle in afknouery speel: of hulle nou tipiese teikens is, die boelie self, of die omstanders – of selfs in al drie kategorieë val. Die rol van die omstanders kan veral as belangrik geag word. Hierdie gids is bedoel om kinders te help besef wat die krag van die omstanders is – om ‘n bondgenoot te word vir ander en om vir hulleself en vir ander op te staan. Die gids help hulle besef dat hulle beter empatie kan aanleer, hoe om meer betrokke te raak in goeie en vriendelike dade, en hoe hulle kan opstaan teen afknouery. Dit is belangrik om met hierdie bewusmaking reeds by kinders te begin, juis omdat hulle as agente van verandering kan optree om verder in die samelewing ‘n verskil te gaan maak.

As ‘n volwassene kan jy die inhoud van die gids met jou kind deel deur die gids met hulle te bespreek.

Mag ons kinders leer om hulle eie identiteit te koester en om ander mense met respek te hanteer. Ons kinders is die leiers van môre, hulle is ons land se toekoms. Jy as ouer of onderwyser maak ‘n reuse-impak in ons kinders se lewens: leer hulle om hulle liggies helder te laat skyn in die donker wêreld daar buite, sodat hulle ‘n verskil in ander kinders se lewens kan maak. Leer kinders om hulle maats op te bou in plaas van af te breek. Ons elkeen is uniek en uitgekies!

Laai die Teenboeliegids hier af.

  1. Hulpbrongids vir COVID-19-grendeltyd en ander krisistye-gids

Die COVID-19-pandemie het Suid-Afrika net soos die res van die wêreld tot stilstand gebring. Dit het nie net ’n groot impak op volwassenes en kinders se fisiese gesondheid nie, maar kan ook ’n geweldige impak hê op ons emosionele welstand. In hierdie onsekere tyd probeer almal aanpas by die nuwe “normaal”.

AfriForum het besluit om hande te vat met Impact Therapy Centre deur die gids wat die sielkundige Ashleigh Yaman opgestel het te vertaal. Hierdie gids is belangrik omdat dit kinders en volwassenes (ouers en onderwysers) bemagtig met tegnieke om tye wat deur angs en gevoelens van oorweldiging gekenmerk word te hanteer. In hierdie tyd neem frustrasie toe en angsvlakke styg geweldig. Die feit dat daar nie met sekerheid bepaal kan word wanneer die virus en sy oorsake tot ’n einde gaan kom nie bring groot uitdagings vir almal se emosionele welvaart mee. Dit is dan juis goed dat daar ’n gids soos hierdie in plek is. Ons is daarom dankbaar dat ons op hierdie manier saam met Ashleigh Yaman en Impact Therapy Centre kan werk. Dankie! Selfs in die post-COVID-19-tydperk sal hierdie gids steeds bruikbaar wees wanneer volwassenes weer al die stukke moet optel. Hulle kan dalk oorweldig voel as hulle weer moet gaan werk, dalk weer nuwe werk moet soek. Skole, onderwysers en leerders sal moontlik by ’n aangepaste kurrikulum moet aanpas; die gewone roetine van die jaar kan moontlik ook verander en dan moet almal by ’n nuwe roetine aanpas.

Die tegnieke in hierdie gids is vir enige krisis bruikbaar, onder andere boeliegedrag by kinders, en die gids kan deur ouers, onderwysers en leerders gebruik word. Dit is veral vir AfriForum Junior Jeugleierskap belangrik om om te sien na ons land se kinders en hulle veiligheid – fisies sowel as emosioneel.

Ons is oortuig dat hierdie gids ’n verskil sal maak in baie lewens!

Laai die Hulpbrongids vir COVID-19-grendeltyd en ander krisistye gratis hier af.

videos

Vir kinders, ouers en onderwysers:

  1. AfriForum se bewusmakingsvideo:

Vir ouers en onderwysers:

  1. Mini-dokumentêr: Die verhaal van die 12-jarige Herman Odendaal
  2. Leandie Bräsler: AfriForum se teenboelieveldtog
  3. Gerhard Nieuwoudt: Selfdood
  4. Hui-Mari (WIRED): Ken jou kind! (Die vier temperamente)
  5. Ashleigh Yaman (Impact Therapy Centre): Uit die oog van ’n sielkundige
  6. Daniël Eloff (Hurter Spies): Boelies bly weg, ons het die reg!

webinaar

  1. Kuberafknouery-webinaar

AfriForum se teenboelieveldtogspan bied ’n webinaar oor kuberafknouery aan by www.s-leer.co.za. Hierdie webinaar fokus op:

  • Boeliegedrag, met spesifieke fokus op kuberafknouery en wat dit alles behels
  • Kinders en die veilige gebruik van tegnologie, die internet en toepassings
  • Die gevaartekens van moontlike selfdoodpogings
  • Regsadvies: wat sê die wet oor boeliegedrag en kuberafknouery?

Sprekers:

  • Leandie Bräsler (AfriForum se bestuurder vir Junior Jeugleierskap)
  • Elmarie Kritzinger (Unisa)
  • Gerhard Nieuwoudt (distrikskoördineerder by AfriForum)
  • Daniël Eloff (prokureur by Hurter Spies Ingelyf)

Luister gratis na hierdie webinaar by: Kuberafknouery-webinaar: wat ouers en onderwysers alles moet weet oor kinders, boeliegedrag en die veilige gebruik van tegnologie

https://s-leer.co.za/courses/kuberafknouery-webinaar-wat-ouers-en-onderwysers-alles-moet-weet-oor-kinders-boeliegedrag-en-die-veilige-gebruik-van-tegnologie/

teenboelieveldtog blogs

STOP AFKNOUERY

AfriForum se teenboelieveldtog skep sedert 2017 regoor die land bewustheid en bemagtig laerskoolleerders om teen boelies op te staan en sélf ’n verskil in hul skole te maak.

Laai die teenboeliegids hier af.

AfriForum het in 2020 nog ’n been van die teenboelieveldtog bekendgestel. Dié been fokus meer op hoërskole en die tema van selfdood. Afkounery en selfdood loop in baie gevalle hand aan hand en dit is dus belangrik om bewustheid hieroor te skep. Stuur gerus ’n e-pos aan nicolene.muller@afriforum.co.za of leandie.brasler@afriforum.co.za as jou skool van dié aanbiedinge gebruik wil maak.

samewerking