Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se versetpatrollie maak die regering se oë oop

Deur 08/06/202002/11/2020

AfriForum het op 6 Junie 2020 ’n nasionale versetpatrollie gehou nadat buurtwagte hewige teenkanting van sommige SAPD-beamptes ontvang het om hul bedrywighede tydens vlak 3 te hervat. Vlak 3-regulasies bepaal dat enigiemand hul huis mag verlaat om ’n spesifieke diens te lewer behalwe aktiwiteite wat pertinent uitgesluit is soos genoem in tabel 2 van dié regulasies. Dié patrollie het daartoe gelei dat lt.genl. Fannie Masemola, Adjunkkommissaris van Polisiëring, AfriForum se interpretasie van die regulasies kon insien en hy ’n skrywe hieroor aan alle provinsiale en eenheidskommissarisse gestuur het.

Die burgerregteorganisasie was, nadat vlak 3-regulasies in werking getree het, van mening dat dié regulasies nie die bedrywighede van buurt-, hoewe- en plaaswagte uitsluit nie. AfriForum was so oortuig dat dié interpretasie korrek is, dat hulle onderneem het om enige buurt-, hoewe- en plaaswag met regshulp by te staan indien een van dié wagte se lede in hegtenis geneem word bloot omdat die lede hul onderskeie gemeenskappe beveilig. AfriForum se buurtwagte het weer die bul by die horings gepak en patrollies onderneem.

“AfriForum glo dat gemeenskappe se veiligheid ’n prioriteit moet wees. Minister Nkosazana Dlamini-Zuma het bewys dat sy onbekwaam is deur nie gemeenskappe se veiligheid as ’n primêre prioriteit te ag nie. Die feit dat AfriForum druk moes toepas om dit by die owerhede tuis te bring dat buurt-, hoewe- en plaaswagte ’n onmisbare rol speel in die veiligheid van gemeenskappe en hulle take so gou moontlik moet hervat, bevestig dit.” sê Ian Cameron, AfriForum se hoof vir Gemeenskapsveiligheid.

“Die regering en SAPD se interpretasie van die heersende regulasies is steeds nie heeltemal korrek nie, aangesien hulle glo vereis dat buurtwagte permitte moet hê om hul diens aan hul onderskeie gemeenskappe te lewer. Dit strook egter nie met die regulasies nie, en hulle sal slegs permitte benodig as hulle oor distriks-, metro- of provinsiale grense moet reis om hulle diens te verrig,” sluit hy af.