Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Wes-Moot-tak help met misdaadvoorkoming

DeurAfriForum 27/10/202127/10/2021

AfriForum se Wes-Moot-buurtwag het op 22 Oktober 2021 saam met die Hercules GPF, Hercules SAPD, verskeie sekuriteitsmaatskappye en ander rolspelers verskeie misdaadvoorkomingsoperasies uitgevoer om misdadigers die gebied te ontsê.

Verskeie arrestasies is ook uitgevoer vir onderskeidelik die besit van dwelms, die onwettige bedryf van sjebeens en ander bylaag B-misdrywe.

“Dit wys weer eens dat as ’n gemeenskap hande vat en die SAPD ondersteun kan ons ’n verskil maak in ons gemeenskappe,” sê Johan Liebenberg, inligtingsbeampte van AfriForum se Wes-Moot-buurtwag.

“Dit is suksesvolle operasies soos dié wat gemeenskappe beveilig en wat die verhoudings tussen veiligheidstrukture in gemeenskappe versterk. Dit wys duidelik dat buurtwagte en ander veiligheidstrukture binne die gemeenskap van kritiese belang is om die owerhede by te staan,” sê Sampie Steinberg, AfriForum se distrikskoördineerder vir Groter Pretoria-Noord.

Sluit gerus aan met ’n maandelikse vrywillige bydrae deur op die gratis Telegram-toep ’n kort verifikasie te doen by https://t.me/AfriForumBuurtBot of SMS “Wes-Moot” na 45340 (R1).