Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum staan De Goede Hoop-koshuis tydens watertekort by

Deur 09/09/201902/11/2020

AfriForum se Waverley-tak het op 4 September 2019 water aan die De Goede Hoop-koshuis naby aan die Universiteit van Pretoria voorsien toe koshuisinwoners vir geruime tyd sonder water gelaat is nadat ’n waterpyp gebars het.

Die koshuis het AfriForum om hulp genader nadat studente vir ’n paar dae geen lopende water gehad het nie.

“Die studente moes drinkwater aankoop en kon nie klere of skottelgoed was of toilette spoel nie. Ons het die studente van water voorsien sodat hulle die basiese kon doen,” sê Jaco Grobbelaar, AfriForum se distrikskoördineerder vir Groter Pretoria.

Volgens munisipale boodskappe kan die watertoevoer vir ongeveer nog drie weke onstabiel wees totdat die lek herstel is. “Ons sal die koshuis ondersteun totdat die probleem opgelos is,” voeg Grobbelaar by.

Hy bedank vir Gideon van Deventer van AfriForum se Oos-Moot-buurtwag vir sy hulp en bystand met die installering van watertenks by dié koshuis. “Hierdie aksies word moontlik gemaak deur goeie en betrokke gemeenskapslede. Dit is lekker om te sien dat mense tyd uit hul persoonlike lewe neem om die gemeenskap te help.”

AfriForum sal voortgaan om soortgelyke aksies in die Tshwane-metro aan te pak en doen ’n beroep op die gemeenskap om betrokke te raak.

Sluit vandag nog by AfriForum aan: SMS jou naam na 45341 (R1) en word deel van die positiewe verskil in jou gemeenskap.