Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum-tak in Kempton Park ontvang insidentbeheeropleiding en stig komitee

Deurafriforum 23/06/201702/11/2020

AfriForum se Kempton Park-tak het op 17 Junie 2017 insidentbeheeropleiding ontvang. Die taklede het ook gisteraand ’n insidentkomitee gestig.

“Die opleiding het ten doel om die gemeenskap te leer hoe om op te tree tydens onder meer gewelddadige betogings en natuurrampe. Ons gemeenskap is byvoorbeeld op 22 Junie 2017 deur ’n insident geraak waar betogers onwettig die Birch Acres-woongebied afgesper en inwoners se vryheid op beweging belemmer het. Hierdie soort insidente waar ons as ’n gemeenskap in staat sal moet wees om te bestuur en gereed moet wees,” sê Jan Vermaak, buurtwagvoorsitter van die Kempton Park-tak.
“Daar is ’n toename in insidente wat ’n negatiewe uitwerking op gemeenskappe het en die regering is nie in staat om behoorlike beskerming te bied nie. Gemeenskappe sal self verantwoordelikheid moet neem om insidente en rampe te bestuur of voorkom,” sê Wico Swanepoel, AfriForum se provinsiale koördineerder vir Gauteng-Suid.

Die komitee sal in samewerking met ander rolspelers optree. AfriForum nooi gemeenskapslede uit om daarby betrokke te raak.