Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-takke in Kroonstad en Steynsrus maak skenkings vir aankoop van kospakkies

Deurafriforum 20/05/202002/11/2020

Die AfriForum-takke in Kroonstad en Steynsrus het beide skenkings aan instansies gemaak om te help met die aankoop en verspreiding van kospakkies in die gemeenskap. Hierdie skenkings sal die instansies verder in staat stel om gesinne wat deur die staat van inperking geraak is, te ondersteun. Skenkings is onderskeidelik aan Solidariteit Helpende Hand se Kroonstad-tak en die N.G. Kerk Steynsrus gemaak.

“Die COVID-19-krisis het baie gesinne onkant betrap en hulle was nie finansieel daarop voorbereid om voedsel en die nodige toiletware aan te koop nie. Daarom het die takke besluit om die skenkings te maak sodat hierdie mense ook die nodige hulp en ondersteuning ontvang. Ons sal aanhou om projekte aan te pak om ons gemeenskappe by te staan in weerwil van hierdie moeilike tye,” sê Jp Nel, AfriForum se distrikskoördineerder vir die Hoogland.

Die takke wil graag elke lid bedank vir hul bydraes en ondersteuning – dit maak projekte soos hierdie moontlik.

Word deel van die verskil en raak vandag nog by jou plaaslike AfriForum-tak betrokke: SMS jou dorp se naam na 31481 (R1). ’n Gemeenskap wat saamstaan is ’n sterk gemeenskap.