Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Privaatvervolging Mediaverklarings

AfriForum verwelkom skuldigbevinding van Liyaqat Mentoor se moordenaar

Deurafriforum 13/09/201902/11/2020

Onke Mashinini is vandag in die Suid-Gautengse hooggeregshof skuldig bevind vir die moord op Liyaqat (Lee) Mentoor, asook regsverydeling en roof met verswarende omstandighede. AfriForum se privaatvervolgingseenheid het die familie deurgaans tydens die hofproses ondersteun om te verseker dat reg en geregtigheid geskied.

Lee is na bewering die laaste keer op 15 Maart 2018 buite sy ouma se huis in Roodekrans gesien.

Die Mentoor-familie het AfriForum se privaatvervolgingseenheid genader omdat hulle gevoel het dat die polisie se ondersoek rondom die driejarige Lee se verdwyning aanvanklik nie deeglik gedoen is nie.

“AfriForum verwelkom die hof se uitspraak en is tevrede dat ons betrokkenheid daartoe bygedra het dat reg en geregtigheid geskied,” sê Nantes Kelder, ondersoekbeampte by AfriForum se privaatvervolgingseenheid.

Kelder het verder adv. Paul Schutte, die staatsaanklaer, op ’n suksesvolle vervolging gekomplimenteer.