Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

AfriForum wys wenners aan in sy Superbru-wedstryd

Deur 30/11/201502/11/2020

Dave van Staden van Pretoria is R10 000 ryker nadat hy vandag as die gelukkige wenner van AfriForum se Superbru-wedstryd aangewys is.

Die burgerregte-organisasie het in September/Oktober met Ctrack, ’n voertuigopsporingsmaatskappy, kragte saamgesnoer om die Superbru-wedstryd aan te bied.

Christo Brits, projekkoördineerder, het gesê AfriForum is verheug oor die wye belangstelling wat daar was. “Meer as 8 000 mense het aan die Superbru-poel deelgeneem.”

Die Superbru-poel het behels dat ’n groep mense vir elke Wêreldbeker-wedstryd die wenspan met punteverskil moes aanwys. Op dié manier kon hulle punte verdien om vir weeklikse pryse te kwalifiseer.

Stef Potgieter, organiseerder van die wedstryd, het gesê AfriForum sal weer volgende jaar by die Superrugby-kampioenskappe betrokke wees.

“AfriForum gaan van krag tot krag en ons hoop nog meer mense sal aan die opwindende projek deelneem.”

Die eerste prys is R10 000 van die hoofborg Ctrack. Die tweede en derde pryse is wegbreeknaweke na Kokoriba en Aan de Vliet. Kokoriba is 38 km vanaf Brits en 120 km vanaf Pretoria. Dit is ’n gewilde wildreservaat en gesinsvakansieoord. Aan de Vliet is 8 km vanaf Hazyview in Mpumalanga en 15 km vanaf die Krugerwildtuin. Daar is talle bekende toeriste-aantreklikhede binne 60 km vanaf Aan de Vliet.