Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Boomplantmaand: AfriForum se Kaap Agulhas-tak skenk 20 bome

DeurAfriForum 21/09/202121/09/2021

AfriForum se Kaap Agulhas-tak het op 17 September 2021 vyf bome geskenk wat op die nuwe vaardigheidskool net buite Struisbaai se terrein geplant gaan word. Die vyf bome, almal kusvaalbosbome (Silver Oaks), is baie gehard en kan die ongure wind waarvoor die area soms bekend is, hanteer.

Benewens dié bome, is daar ook besluit om bome by ’n aantal skole, die SAPD, die Suiderlig Dienssentrum en by die Bredasdorp-ingange te plant.

Dié tak plant jaarliks bome ter viering van Nasionale Boomplantmaand wat AfriForum op ’n nasionale grondslag aanpak en het altesaam 20 geplant.

“Die AfriForum-tak heg baie waarde aan ons omgewing en het ’n verantwoordelikheid om ’n beter woonplek vir ons kinders na te laat. Ons wil met projekte soos dié ’n bewustheid en kultuur van bewaar en verbeter, onder veral ons kinders, vestig,” sê Peet Wessels, voorsitter van AfriForum se Kaap Agulhas-tak.

“AfriForum en al sy takke werk hard om ’n wesentlike verskil in dorpe te maak. Ons wil al ons takke bedank wat ingespring het om bome tydens Boomplantmaand te plant,” sê Arno Greyling, AfriForum distrikskoördineerder vir die Suid-Kaap.

Sluit vandag nog by AfriForum se Kaap Agulhas-tak aan: SMS “Kaap Agulhas” na 45350 (R1).