Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

De Goede Hopers sluit die jaar op ’n hoë noot af

Deur Chanté Kelder

2021 was net soos die vorige jaar ’n uitdagende jaar, dit is steeds moeilik om op kampus klas te draf en hoewel gunstelingkuierplekke oop is, word studentevryheid met streng aandklokreëls gedemp.

Niks kon egter die De Goede Hopers keer om vanjaar op ’n hoë noot af te sluit nie. Tussen 21 Oktober en 23 Oktober is die nuwe huiskomitee (HK) aangekondig en ingehuldig en kon die studente ook die jaar wat verby is vier met ’n glansryke dinee.

Die HK is tydens ’n geheime seremonie ingehuldig wat slegs vir ’n uitgesoekte groepie beskore was. Hoewel die HK bekendgemaak is, word die portefeuljes eers later aangekondig. Die drie portefeuljes wat wel gevul is, is soos volg: Ruben Buitendag (primarius), Bunika Groenewald (primaria) en WC Kriel (AfriForum Jeug). Die ander lede van die 2021/2022 HK is Monique van der Loo, Loria Fourie, Deandra Albrecht, Nadine Jacobs en Stephen Nel.

Oud-huiskomitee en nuwe huiskomitee saam met die huisouers

Die geleentheid waarna elke student natuurlik die hele jaar uitsien, is die dinee. Dit is dié geleentheid om saam met vriende tyd deur te bring en ou bekendes weer te sien. Die dinee is vanjaar by Die Kraal op die Sol-Tech-kampus in Monumentpark gehou.

Carla Janssen en Marno Strauss – primaria en primarius vir 2020/2021 – het die formaliteite begin deur elkeen ’n afskeidsboodskap aan die koshuisinwoners en -ouers te gee. Albei maak vanjaar klaar met hul studies en hul avontuur by De Goede Hoop is dan ook iets van die verlede.

Strauss was een van die eerste inwoners van De Goede Hoop en hy het herinneringe gedeel van die ou perseel in Sunnyside. “Julle het gewys dat ’n klomp Afrikaners in die middel van Sunnyside ’n fees kan hê. Ná ons na die nuwe perseel getrek het, was dit steeds in Hatfield ’n fees saam met julle.” Strauss het sy toespraak afgesluit deur die huisouers te bedank vir die rol wat hulle ook in sy lewe gespeel het.

Julle het gewys dat ’n klomp Afrikaners in die middel van Sunnyside ’n fees kan hê.
Marno Strauss – Primarius 2020/2021

Carla Janssen het in 2021 die pos van primaria aanvaar ná haar voorganger bedank het. “Ek het baie van myself geleer in hierdie jaar. Vanaand is my hart seer want ek weet hierdie tyd in my lewe kom nou tot ’n einde. De Goede Hoop is nie net ’n koshuis nie, dit is werklik ’n huis waar jy jouself kan wees en weet niemand oordeel jou nie. Ek gaan julle mis.”