
AfriForum, in samewerking met Johan Vorster, Jacomien de Wet en Snyman Musiek Produksies, het die inhoud van AfriFees saamgestel om ’n gesinsvriendelike platform te skep sodat Afrikaans behoue sal bly en ons kinders met trots hul kultuur kan uitleef.
Die gehoor kan uitsien na ’n sing-en-dans-ervaring vol bekende treffers soos “Sarie Marais”, “Byeboerwa”, “Sarah de Jager”, “Leeuloop”, “Toeter Skoeter”, “Stukkie van der Merwe”, “Is jy bang?”, “De la Rey” en meer.
Terugsit en luister is nie in hierdie unieke Afrikaanse taal-en-kultuurfees se DNS nie, daarom verseker hierdie interaktiewe musiekervaring dat mense saamsing, heupe swaai en hul taal voluit vier.
In ’n neutedop
Beleef Afrikaans soos nog nooit vantevore nie!
Sing en dans op die maat van die grootste Afrikaanse liedjies van alle tye.
Dis nie net vermaak nie, dis jou mense, jou taal, jou kultuur en jou fees.
’n Saamsingfees wat jou voete laat roer!
Program
- 12 tematiese keurspelitems van toeka tot nou
- 2,5 ure se reis deur die dekades
AfriFeeste aangebied in 2025/2026:
- Orania Helpmekaar Vasbyt in Orania (Noord-Kaap)
- D’Aria Wynlandgoed in Durbanville (Wes-Kaap)
- Warm Karoo & The Kitchen in Bloemfontein (Vrystaat)
- Sol-Tech-kampus in Pretoria (Gauteng)
- Centurion Gemeenskapsfees in Pretoria (Gauteng)
- AfriForum Teater in Pretoria (Gauteng)
- Hoërskool Bellville in Bellville (Wes-Kaap)
- Bok Boot (Namibië)
- Oppiwater Kunstefees (Namibië)
- Die Koelkamers Teater in Paternoster (Wes-Kaap)
- Laerskool Handhaaf in Uitenhage (Oos-Kaap)
- Laerskool Verkenner in Port Elizabeth (Oos-Kaap)
- Hoërskool Hartswater in Hartswater (Noord-Kaap)
- Drostdy Teater in Stellenbosch (Wes-Kaap)
- Gekombineerde Skool Zastron in Zastron (Vrystaat)
- Laerskool Ooskus Gimnasium in Oos-Londen (Oos-Kaap)
- Paarl 6-fietsren-en-leefstylfees in die Paarl (Wes-Kaap)
- Wemmershoek Voortrekkerterrein buite Stellenbosch (Wes-Kaap)
Kaartjieverkope
Verkoop jou kaartjies in Afrikaans op www.kaartjies.co.za!
Dié platform bied die jongste tegnologie op ’n gebruikersvriendelike webtuiste wat volgens jou korporatiewe identiteit aangepas kan word met ’n mededingende kostestruktuur.
Voorgestelde koste per kaartjie: R180 per volwassene, R50 per kind onder 12 jaar
Koste (binnenshuise optrede)
Kunstenaars (Die Broers): R22 770
Tegniese koste asook reis en verblyf vir drie persone is uitgesluit.
Stuur ’n e-pos na bespreek@afrifees.co.za vir navrae en besprekings.
Voltooi die onderstaande vorm om die AfriFees-lirieke op jou slimfoon af te laai.
"*" indicates required fields
Wat sê die mense oor AfriFees?
Hoërskool Bellville in Bellville (Wes-Kaap)
20 Maart 2026
“Dit was ’n groot voorreg om saam met ’n uiters ondersteunende en bekwame span van AfriForum te kon werk om hierdie fondsinsameling ’n wonderlike sukses te maak. Die konsert was hope pret en oud én jonk kon hulle gate uit geniet! Ons sal beslis weer van hierdie geleentheid gebruik maak!” – Marlese den Haan, Visehoof: Kultuur en Departementshoof: Uitvoerende kunste by Hoërskool Bellville
Laerskool Handhaaf in Uitenhage (Oos-Kaap)
4 September 2026
“Sommige aande is meer as net ’n geleentheid … dit word herinneringe! Die AfriFees van September 2026 was ’n viering van talent, samewerking, gemeenskapsgees en ongelooflike samehorigheid. Dit was die bewys dat wanneer harte, hande en harde werk saamstaan, iets besonders gebeur. Agter elke suksesvolle aand lê ure se beplanning, opoffering en mense wat met passie saamwerk. ’n Aand om te onthou, ’n gemeenskap om op trots te wees en herinneringe wat lank sal voortleef! Dankie aan elkeen wat deel was van hierdie besonderse aand.” – Zené Meyer, Bemarking en Kommunikasie, Laerskool Handhaaf
Hoërskool Hartswater in Hartswater (Noord-Kaap)
12 September 2026
“Baie dankie vir die besonderse inisiatief wat AfriForum doen vir Afrikaans! Dra Hoërskool Hartswater se dank oor aan die organisasie! Hoop ons kan weer so iets organiseer!” – Willie van Heerden, hoof van Hoërskool Hartswater
Gekombineerde Skool Zastron in Zastron (Vrystaat)
26 September 2026
“Die AfriFees was beslis een van die hoogtepunte van ons Zassies se 150 jaar-feesvieringe! Dit was lewendig, vrolik en vol energie. Die kunstenaars was uitstaande en het met hul talent en optrede gesorg vir onvergeetlike vermaak. Die mense het elke oomblik geniet! Die AfriFees het nie net mense vermaak nie, maar ook mense saamgebring. Dit is immers waaroor ’n dorpsfees gaan; saamkuier, saamlag en saam herinneringe maak. 150 jaar se geskiedenis, maar steeds ’n dorp vol lewe en gees!” – Magda du Plessis, Komiteelid: Kunstenaars
Laerskool Ooskus Gimnasium in Oos-Londen (Oos-Kaap)
30 Oktober 2026
“Ek wil net van die musiekdepartement se kant af baie dankie sê vir gisteraand. Dit was ’n ongelooflike voorreg om deel van so ’n heerlike aand te kon wees. Die kinders se gesiggies het behoorlik gestraal! Hulle het dit so geniet! Baie dankie vir al die moeite en reëlings. Ons sal die herinneringe vir lank koester.” – Marga Kritzinger, musiekonderwyser by Laerskool Ooskus Gimnasium
Beleef Afrikaans soos nog nooit tevore nie! Van toeka tot nou. ’n Plesierige reis deur dekades.
AfriFees bestaan uit 12 keurspelitems vanuit die grootste Afrikaanse liedjies van alle tye. “Sarie Marais”, “Byeboerwa”, “Sarah de Jager”, “Leeuloop”, “Toeter Skoeter”, “Stukkie van der Merwe”, “Is jy bang?”, “De la Rey” en meer!
Dis nie net vermaak nie, dis jou mense, jou taal, jou kultuur, jou fees!
Dis nie net vermaak nie, dis jou mense, jou taal, jou kultuur, jou erfenis, jou fees
Sing en dans saam met die grootste Afrikaanse liedjies van alle tye. “SarieMarais”, “Pampoen”, “Byeboerwa”, “Sarah de Jager”, “Leeuloop”, “Toeter Skoeter”, “Stukkie van der Merwe”, “Is jy bang?”, “Hardekole”, “De la Rey” en meer!
Die AfriFees-inhoud is met trots deur AfriForum saamgestel. As deel van AfriForum se 2026-plan wil ons AfriFees by sowel Afrikaanse skole as gemeenskapsfeeste/byeenkomste aanbied om sodoende ons taal en erfenis te bewaar vir ons nageslagte.
Die AfriFees-program bestaan uit 12 keurspelitems wat deur Die Broers aangebied word oor ’n tydperk van 2,5 ure.
Die koste beloop R60 700 (BTW ingesluit) en sluit in:
- 3 x kunstenaars (Die Broers)
- Woorde op skerms vir gehoorsamesang met ’n QR-kode om woorde opslimfone af te laai
- Advertensie en elektroniese pamflet vir bemarking
- Klank, skerms, verhoog en beligtin
*Indien hierdie reeds verskaf word deur die kliënt as deel van ’n bestaandegeleentheid kan die kostepakket verminder word.
Die lokaal vir die optrede, asook reis en verblyf vir die drie kunstenaars (vlugte, brandstof, etes en verblyf) is uitgesluit by die kostepakket en word deur die kliënt voorsien.
Die kliënt bepaal die kaartjiekoste en is verantwoordelik vir verkope en bemarking. Kaartjie-inkomste kan aangewend word vir fondsinsamelings-projekte of om koste te vereffen.
AfriForum is toegewy daaraan om ons Afrikaanse kultuur en kunste te ondersteun. Die kaartjies.co.za-platform is geskep sodat gemeenskappe sáám kan groei en floreer.
Dié kaartjieverkopeplatform bied ’n mededingende kostestruktuur vir skole en ander Afrikaanse organisasies met ’n volledige bestuursinligtingstelsel insluitende verkoopverslae, veilige betalings, kommunikasie met kopers en meer. Hierdie platform kan deur die kliënt gebruik word vir verkope van die AfriFees.
Kontak ons by bespreek@afrifees.co.za met navrae en vir besprekings.
Voltooi die onderstaande vorm om die AfriFees-lirieke op jou slimfoon af te laai.
"*" indicates required fields
Beleef Afrikaans soos nog nooit tevore nie! Van toeka tot nou. ’n Plesierige reis deur dekades.
AfriFees bestaan uit 12 keurspelitems vanuit die grootste Afrikaanse liedjies van alle tye. “Sarie Marais”, “Byeboerwa”, “Sarah de Jager”, “Leeuloop”, “Toeter Skoeter”, “Stukkie van der Merwe”, “Is jy bang?”, “De la Rey” en meer!
Dis nie net vermaak nie, dis jou mense, jou taal, jou kultuur, jou fees!





