Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

EKWITEITSFONDS GESTAAK TOT GESPREK TUSSEN ORGANISASIES EN MINISTER PLAASVIND

DeurAfriForum 05/02/202102/09/2021

AfriForum en Solidariteit verwelkom die minister van toerisme, Mmamoloko Kubayi-Ngubane, se besluit om die Toerisme-ekwiteitsfonds (TEF) se werksaamhede te staak totdat daar met AfriForum en Solidariteit in gesprek getree is. Dit volg nadat die twee instansies ’n dringende brief aan die minister gestuur het oor die fonds wat beoog om slegs finansiering aan toerismeondernemings in swart besit te verskaf.

In die minister se antwoord aan AfriForum en Solidariteit het sy aangekondig dat sy met die twee instansies in gesprek wil tree. Sy het verder aangekondig dat die fonds gestaak word vir die duur van gesprekvoering met AfriForum en Solidariteit. Solidariteit verwelkom dié reaksie en optrede deur die minister.

“Die regering het die inperkingsmaatreëls weens COVID-19 ingestel, en daarmee handel en die groter ekonomie beperk. Die gevolg was dat duisende besighede, veral in die toerismebedryf vir maande geen inkomste kon verdien nie. Wat die regering nou moet doen is om ’n hand uit te reik na hierdie besighede en hulle te ondersteun eerder as om die geleentheid te misbruik om sy ras-ideologie te bevorder. Ons verwelkom die geleentheid om in dié verband met die minister in gesprek te tree,” sê Morné Malan, hoof van kommunikasie by Solidariteit.

“Ons verwelkom die minister se bereidwilligheid om te vergader en beskou dit as ’n stap in die regte rigting. Die regering het ’n verantwoordelikheid teenoor alle landsburgers aangesien almal in die toerismebedryf tans dringend hulp benodig. Die regering kan nie ’n pandemie gebruik om transformasie te bevorder terwyl alle Suid-Afrikaners swaarkry nie,” sê Monique Taute, hoof van Veldtogte by AfriForum.