Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Community Affairs Media statements | Media statements

AfriForum se Oudtshoorn-tak spreek kommer uit oor politieke chaos in dorp

ByAfriForum 05/10/202106/10/2021

AfriForum se Oudtshoorn-tak het op Maandagaand, 4 Oktober 2021, ’n vergadering gehou waar die afgesette burgemeester van die Oudtshoorn Munisipaliteit, Chris Macpherson self aan verskeie belangegroepe die chaos wat tans in die raad heers, met die vyandige oorname daarvan, kon verduidelik. Die vergadering is deur ongeveer 40 mense bygewoon wat verskeie belangegroepe in die gemeenskap verteenwoordig, insluitend georganiseerde landbou, die sakekamer en prominente figure en sakeleiers uit die gemeenskap.

Uit Macpherson se verduideliking was dit duidelik dat die oorname en swaai van die magsbalans binne die raad net ten doel het om toegang tot die gemeenskap se geldkas te kry.

“Ons by AfriForum is stomgeslaan oor die situasie wat tans afspeel in die raadsaal, dit is ook kommerwekkend dat die Wes-Kaapse regering nie iets doen om hierdie situasie aan te spreek nie. Dit is dan die provinsiale regering se mandaat om die gemeenskap teen hierdie tipe dinge te beskerm. Ons eis daarom vinnig en daadwerklike optrede om hierdie tipe situasie in die toekoms ook te vermy,” sê Johan Conradie, AfriForum se Oudtshoorn-takvoorsitter.

“AfriForum wil ook die gemeenskap van Oudtshoorn aanmoedig om in groot getalle by die stembusse op te daag om hul kruisies te trek. Dit is jou voorreg om te besluit vir wie jy gaan stem maar onthou jy het ook ’n verantwoordelikheid teenoor jou gemeenskap om vir die persoon te stem wat in hulle belang gaan optree,” sê Arno Greyling, AfriForum se distrikskoördineerder vir die Suid- en Oos-Kaap.

Om by AfriForum se Oudtshoorn-tak betrokke te raak SMS “Oudtshoorn” na 45350.