Ermelo-tak help met verligting van voedselnood
Die AfriForum-tak in Ermelo het op 6 April kos aan verskeie organisasies in die dorp geskenk, waaronder 80 kg spinasie vanuit AfriForum se gemeenskapsgroentetuin in Bethal. Daar is ook verdere groente aangekoop om voedselnood te verlig.
Die CMR Kinder- en Jeugsorgsentrum en Ermelo Outreach het elk 40 kg spinasie, 50 kg aartappels en 10 kg uie van die tak ontvang.
“Ons is dankbaar om met hierdie projek ’n verskil te kan maak in ons gemeenskap,” sê Frikkie du Plessis, ondervoorsitter van Ermelo se AfriForum-tak.
