Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Eskom-krisis: AfriForum gaan voort om verbruikers te beskerm

Deur 24/01/201702/11/2020

In die lig van die voortslepende krisis rondom Eskom, wat sedert die begin van die jaar dreig om verskeie munisipaliteite se krag af te sny, maak AfriForum planne om die regte van verbruikers te beskerm.

Eskom het begin vandeesmaand gedreig om talle munisipaliteite in Noordwes, die Vrystaat, Noord-Kaap, Oos-Kaap en Mpumalanga se krag af te sny. Dié munisipaliteite skuld die kragvoorsiener meer as R10 miljard.

AfriForum het die hof genader in ’n poging om te keer dat duisende huishoudings, waarvan baie betaal, se krag afgesny word. Die Pretoriase hooggeregshof het egter beslis dat Eskom wel die reg het om skuld in te vorder en met die afsny van krag mag voortgaan.

In die lig van die verwikkelinge het AfriForum ’n regsfonds geskep om gemeenskappe by te staan wat hul onbevoegde munisipaliteite en amptenare in die howe tot verantwoording wil roep.

Lynne Brown, minister van openbare ondernemings, het Eskom ook vandeesweek opdrag gegee om munisipaliteite tot die einde van die maand uitstel te gee om hul skuld te vereffen. Eskom het op sy beurt aangekondig dat ooreenkomste met van die munisipaliteite bereik is, maar die inhoud van die ooreenkomste is nie op ’n versoek van AfriForum bekendgemaak nie.

Dit het die burgerregte-organisasie genoop om dringend ’n Paia-aansoek te bring omdat belastingbetalers en kragverbruikers die reg het om te weet wat die ooreenkomste met Eskom behels.

Eskom het vroeër aangekondig dat beurtkrag onder meer die voorland van munisipaliteite is. Talle klein ondernemings het toe aangedui dat dit hul finansieel sal ruïneer.

Die publiek kan AfriForum help om die regstryd teen munisipaliteite voort te sit indien nodig, deur die woord “Eskom” na 38310 te SMS om R10 tot die regsfonds by te dra.

Alternatiewelik kan ’n direkte finansiële bydrae gemaak word deur ‘n e-pos te stuur na eskom@afriforum.co.za.