Gauteng-vullisterreine in aanvaarbare toestand
AfriForum het vanjaar 135 vullisterreine landwyd geoudit as deel van die organisasie se nasionale projek om die gehalte van vullisterreine in Suid-Afrika te meet.
11 van die 16 vullisterreine wat in Gauteng geoudit is, het aan nasionale standaarde voldoen. Kragtens toepaslike wetgewing en regulasies, waaronder die Wet op Nasionale Omgewingsbestuur: Vullis (Wet no. 59 van 2008), moet ’n vullisterrein aan bepaalde vereistes voldoen.
Só vergelyk die vullisterreine in Gauteng:
| Naam van tak/vullisterrein | Munisipaliteit/ verantwoordelike instelling | Lisensienommer | Nakomingstelling (%) | ||||||
| Gauteng: | 2015 | 2016 | 2017 | 2018 | 2019 | 2020 | |||
| Bronkhorstspruit | Stad Tshwane Metro | B33/2/220/116 | – | 64 | 75 | 88 | 84 | 84 | |
| Cullinan-oorlaaistasie | Stad Tshwane Metro | – | 64 | – | 7% | – | – | – | |
| Ga-Rankuwa | Stad Tshwane Metro | 16/2/7/A230/D9/Z3/P489 | – | – | 83 | 92 | 92 | 74 | |
| Hatherley | Stad Tshwane Metro | B33/2/123/88/P215 | – | 36 | 80 | 80 | 88 | 88 | |
| Magalieskruin | Stad Tshwane Metro | – | – | 52 | – | – | – | – | |
| Mooikloof | Stad Tshwane Metro | – | 60 | – | – | – | – | – | |
| Onderstepoort | Stad Tshwane Metro | B33/2/123/7/P6 | – | 52 | 70 | 84 | 76 | Gesluit | |
| Pretoria-Oos | Stad Tshwane Metro | – | 60 | – | – | – | – | ||
| Rooihuiskraal | Stad Tshwane Metro | – | – | 84 | – | – | – | – | |
| Soshanguve | Stad Tshwane Metro | B33/2/123/101/P43 | – | – | 83 | 84 | 78 | 86 | |
| Alberton (Heidelbergweg-oorlaaistasie) | Ekurhuleni PM | 16/2/7/C221/0494Z10/P465 | 93 | 97 | – | – | |||
| Alberton
(Platkop) |
Ekurhuleni PM | 33/2/2/321/1450 | – | – | – | – | 97 | 95 | |
| Benoni | Ekurhuleni PM | – | 76 | – | – | – | |||
| Boksburg (Rooikraal) | Ekurhuleni PM | 16/2/7/c221/D24/21/P512 | – | – | – | 97 | 97 | 97. | |
| Brakpan (Weltevreden) | Ekurhuleni PM | B33/2/321/172/P137 | – | – | 89% | 97% | 94% | 91% | |
| Germiston (Simmer & Jack) | Ekurhuleni PM | B33/2/0322/494/P223 | – | – | 92 | 100 | 78 | 84 | |
| Norkempark-oorlaaistasie | Ekurhuleni PM | – | – | – | – | – | 75 | – | |
| Kempton Park (Chloorkop) | Ekurhuleni PM | – | – | – | 97 | – | – | Gesluit | |
| Kempton Park (Highveld-oorlaaistasie) | Ekurhuleni PM | – | – | 40 | 97 | – | 72 | – | |
| Primrose | Ekurhuleni PM | – | – | 68 | 41 | – | – | – | |
| Springs (Rietfontein) | Ekurhuleni PM | 16/2/7/C221/D494/P275 | – | – | 88 | 86 | 88 | 94 | |
| Vereeniging
(Sonlandpark-oorlaaistasie) |
Emfuleni PM | – | – | – | – | 8 | – | – | |
| Waldrift | Emfuleni PM | 006/15-16/W0004 | – | – | – | – | 68 | 60 | |
| Vanderbijlpark (Boitshepi) | Emfuleni PM | – | – | – | 28 | 38 | 32 | 26 | |
| Carletonville | Merafong City PM | – | – | – | – | – | – | 68 | |
| Meyerton | Midvaal PM | 002/12-13/W0001 | – | – | 96 | 96 | 100 | 96 | |
| Westonaria (Libanon) | Rand West City | 16/2/7/C231/D21/Z | – | – | 47 | 9 | 100 | 48 | |
| Randfontein | Rand West City | B33/2/323/34/P12 | – | – | 33 | 26 | 46 | Gesluit | |
| Roodepoort | City of Johannesburg | – | – | – | – | – | 34 | Gesluit | |
| Heidelberg-oorlaaistasie | Lesedi PM | 12/9/11/P80 | 32 | – | 18 | 30 | 18 | – | |
| Bon Accord | The Waste Group | B33/2/123/154/P191 | – | – | 98 | 98 | 94 | 98 | |
| Mooiplaats | The Waste Group | 16/2/7/A230/154/21/p311 | – | 76 | 99 | 98 | 96 | 96 | |
| Interwaste FG | Interwaste Environmental Solutions | GAUT 002/10-11/W0030 | – | 100 | 100 | 100 | Toe | Gesluit | |
Die oudit bestaan uit ’n lys van 33 vrae wat die minimum vereistes vir vullisterreine in Suid-Afrika meet en sluit faktore soos toegangsbeheer, brande, mediese afval, omheining, rehabilitasie en dies meer in. ’n Vullisterrein moet minstens 80% behaal om aan wetgewing te voldoen.
Volgens Sampie Steinberg, AfriForum se distrikskoördineerder vir Groter Pretoria, is die meeste vullisterreine in Gauteng in ’n goeie toestand. “Die groot vullisterreine word baie goed bestuur, maar daar sal meer aandag aan die bestuur van die kleiner terreine gegee moet word.”
Steinberg sê die algemeenste probleme wat AfriForum tydens die oudit ondervind het, is onder meer die afwesigheid van afvalbestuurslisensies, die algehele wanbestuur van terreine en die swak instandhouding van terreine se heinings en hekke. Weens wanbesteding van fondse en wanbestuur deur munisipaliteite word vullisterreine tans ’n huis vir die haweloses. Baie van die terreine is ook onveilig en ontoeganklik vir inwoners wat daarvan gebruik wil maak.
AfriForum-takke sal ook druk op owerhede in hul gebiede plaas om afvalmoniteringskomitees te stig om die afvalbestuursproses te verbeter. Dié komitees sal bestaan uit munisipaliteite en belanghebbende partye wat vullisbestuur in die betrokke dorp wil verbeter. AfriForum gaan ook ná afloop van die projek ’n vergadering met Barbara Creecy, Minister van Omgewingsake, belê om terreine te identifiseer sodat dit herstel en weer op peil gebring kan word.
Die ouditverslag sal ook aan die Groen Skerpioene oorhandig word vir verdere ondersoek en optrede teen munisipaliteite wat nie aan die vereistes voldoen nie. AfriForum sal die proses deurlopend moniteer om te verseker dat die vullisterreine se standaard genoegsaam verbeter.
- Lees die volledige verslag hier.
