Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

MALEMA EN NDLOZI SE AANRANDINGSVERHOOR GAAN MÔRE VOORT

DeurAfriForum 09/03/202103/09/2021

Julius Malema, leier van die EFF, en Mbuyiseni Ndlozi, EFF-LP, het vandag in die Randburgse Landdroshof verskyn vir die beweerde aanranding van Johannes Venter, ’n SAPD-kolonel.

AfriForum het in Julie 2019 aangekondig dat dié organisasie die hof met ’n mandamus-aansoek gaan nader om die Nasionale Vervolgingsgesag (NVG) te dwing om ’n besluit te neem oor die vervolging van Malema in hierdie en twee ander hangende sake teen hom.

Malema en Ndlozi het Venter na bewering in April 2018 aangerand tydens ’n voorval wat op kringtelevisiekameras vasgevang is. Die senior polisieman het ’n klag by die polisie aanhangig gemaak, maar die polisie het geen aandag daaraan geskenk nie totdat AfriForum se privaatvervolgingseenheid in Januarie 2019 navraag oor die ondersoek gedoen het.

Deon Klingbiel, ’n voormalige werknemer van die begraafplaas waar die voorval plaasgevind het, het vandag getuig oor hoe die kringtelevisiemateriaal bewaar is. Klingbiel het ook getuig dat hy die beeldmateriaal meer as een maal aan die polisie moes verskaf omdat die saakdossier glo verdwyn het.

Kol. James Bronkhorst, ’n polisiebeampte wat by die polisie se interne ondersoek na die voorval betrokke was, het ook vandag getuig dat Venter volgens hom die situasie korrek hanteer het deur Malema se motor voor te keer om toe te sien dat die nodige veiligheidsmaatreëls tydens die begrafnis van Winnie Madikizela-Mandela toegepas word. Malema beweer dat Venter hom probeer verhoed het om dié begrafnis by te woon.

“Ons sien gereeld hoe sekere politici soos Malema hulself as verhewe bo die reg beskou. Dit kan nie geduld word nie. Wat ook uiters kommerwekkend is, is dat die saak geen aandag geniet het voordat AfriForum se privaatvervolgingseenheid daarby betrokke geraak het nie,” sê Ernst Roets, AfriForum se hoof van Beleid en Aksie.

AfriForum se privaatvervolgingseenheid sal voortgaan om die saak in belang van geregtigheid te moniteer. Die saak sal more (10 Maart 2021) verder aangehoor word.