Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Springs-gemeenskap hou sigbaarheidspatrollie

Deurafriforum 15/10/201902/11/2020

Die AfriForum-buurtwagte in Kempton Park, Brakpan, Edenvale en Springs het in samewerking met die SAPD en die gemeenskapspolisiëringsforum van Bakerton op Vrydag 11 Oktober 2019 ’n sigbaarheidspatrollie in Bakerton, Springs gehou.

“Die gemeenskap van Bakerton gaan swaar onder ’n vlaag van misdaad gebuk, wat veral motorkapings en breek-en-gryp-gevalle insluit. As gemeenskap kan ons dit nie bloot net aanvaar nie; daarom is dit belangrik om patrollies te hou om sigbaarheid te verhoog en samewerking met ander veiligheidsinstellings te versterk. Só help ons om die veiligheid van ons gemeenskappe daadwerklik te verhoog,” sê Cornel Swart, voorsitter van AfriForum se Springs-tak.

Die SAPD het ’n verdagte weens aanranding in hegtenis geneem nadat buurtwaglede en die SAPD verskeie gebiede in Springs se sentrale sakesektor besoek het.

“AfriForum doen ’n beroep op die gemeenskappe om sélf hul veiligheid te prioritiseer. Gemeenskappe kan misdaad in hul omgewings help bekamp deur by veiligheidstrukture soos ons buurtwag betrokke te raak,” sluit Swart af.

SMS “Springs” na 45342 om by jou buurtwag aan te sluit (R1).