Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

Zuma in Hoogste Hof van Appèl oor onwettige mediese parool

DeurAfriForum 16/08/2022

Voormalige president Jacob Zuma se regsverteenwoordigers is vandag in die Hoogste Hof van Appèl in Bloemfontein om teen die hofuitspraak wat die burgerregteorganisasie AfriForum in Desember 2021 verwerf het, dat Zuma se mediese parool onwettig toegestaan is, te appelleer. Beide partye se argumente sal deur die hof aangehoor word.

Die Konstitusionele Hof het Zuma in Junie 2021 tot 15 maande tronkstraf gevonnis vir minagting van die hof, nadat hy geweier het om voor die Zondo-kommissie oor staatskaping te verskyn oor korrupsie tydens sy presidentskap.

Zuma het sy vonnis aan die einde van Julie 2021 begin uitdien maar is op 5 September 2021 op mediese parool vrygelaat. Die mediese parool is deur Arthur Fraser, die voormalige nasionale kommissaris vir Korrektiewe Dienste, goedgekeur ten spyte daarvan dat die mediese paroolraad nie gevind het dat Zuma vir mediese parool gekwalifiseer het nie.

“AfriForum glo in gelykheid voor die reg en dat prominente politici soos Jacob Zuma aanspreeklik gehou moet word vir hul dade. Dus, sal AfriForum aanhou om in belang van ons lede en die algemene publiek vir geregtigheid te veg,” sê Reiner Duvenage veldtogbeampte vir Strategie en Inhoud by AfriForum.