ISIVUMELWANO ESIYIQOPHAMLANDO ESITLIKITLWE HLANGANA NEHLANGANO YAMA-AFRIKANERE NAMANDEBELE
Ihlangano yamaNdebele iVulamehlo Kusile (VUKO) nehlangano yamaAfrikanere iAfriForum zitlikitle isivumelwano esiyiqophamlando nokuzwana eMnyanyeni waminyaka yoke wokuGidingwa koMnyanya weNgwenyama uNyabel esiGodlweni samaNzunza koNomtjharhelo, eduze nedorobho leRoossenekaal esifundeni seLimpopo. Iinhlanganweezi zibuye godu zazisa bonyana zizokusebenzisana ekulondeni indawo le eyiqophamlando ngehloso yokuqinisa ubusikopilo nokuthuthukisa ilwazi ngomlando, khulukhulu ukwenzela ilutjha.
Ukutlikitlwa kwalesisivumelwano ngonyaka lapho amaNzunza agidinga iminyaka ema-140 yepi yesibili neTransvaal Republic namapethelwanayo kuqakathekile.
Sihlonipha abobamkhulu bethu abenza koke okusemandlenabo ukuqinisekisa bona nje ngomphakathi onamasiko lapha e-Afrika eyiSewula- ngebanga lokuzinikela nokukghodhlelela sisese lapha namhlanjesi.
Njeke –ke asikanamatheli esikhathini esadlulako, sisebenzisa umlando wethu nobusikopilo ukugqugquzeleka nokwakha isisekelo sangomuso. Umphakathi wamasiko eAfrika yesewula iqalene neentjhijilo ezinengi. Kuzokuba bulula ukuzihlula nasibumbeneko, ngikho kuqakathekile ukutlikitla isivumelwanesI’ KUTJHO uElias Mahlangu; uSihlalo weBhodo yeVUKO.
‘IAfriForum ilungiselelea ukusungula ilungelelwano lamasiko wemiphakathi, edzimelele ekulemukiseni nekuhlonipheni, ukuhlanganisa ukwehlula iintjhijilo.
Indlela etja yokubuswa mibuso emibili sele ithomile begodu idala isikhundla sesikopilo emiphakathini ukubumba ingomuso ngokusebenzisana okudingwa bentwana bethu lapha eAfrika yesewula.
Bekumele bona kutlikitlwe isivumelwano sesivumelwano nesesebenziswano esikhathini nendaweni engathwala ukuqakatheka okungaka kobusikopilo nomlando’ kutjho uBarend Uys, iSikhulu seLungelelwaniso nokuHlanganyelwa weAfriForum.
Ihloso yesivumelwanesi kusungula nokugcina ubudlelwano basafuthi ngehloso yokuqinisekisa ukuthula necolo lasafuthi nobungani hlangana nesikopilo yemiphakathi ejanyelwe ziinhlanganwezi efaka okulandelako:
- Ukulonda nokuvikela ubusikopila nobendabuko
- Ukugqugquzela ubunjalo nokuziphatha komphakathi
- Ukuqugquzela ukubuyiselana kobusikopilo nekulumiswano
- Ukugqugquzela ituthuko nokufundiswa kwelimi lokubelethwa
Imigomo elandelako yenza umthangala wesivumelwano:
- Ukukhumbuzana nokuhloniphana
- Ukugcina ithabo safuthi
- Ukwamukela ubunjalo bomunye nomunye ngobukhona bakhe ngobusikopilo bomphakathi
- Ilungelo lokubusa nokuphatha ubusikopilo bomphakathi ngaphandle kokuphazanyiswa mbuso nofana ngangiyiphi ihlangano
- Ukuhlonipha amandla wokubusa, amasiko nemikghwa nalabo abahlobene nokusetjenziswa kwenarha nobunikazi benarha
- Ikululeko yezekolo nokusetjenziswa kwamasiko
IAfriForum neVUKO khezasebenzisana mayelana nelimi nobusikopilo, njengokwenza mthethweni isebenziswanethu le ngelinye lamagadango.
Indlela esiyisebenzisakonyokudalaningokusobsiqubulo sethu esithi: ’Kuvuswa Ezivusako’ esihlathulula ukuthi isizo liza kilabo abazisizako’ kutjho unomzana Mahlangu aqedelela.
