Letsholo le le kopanetsweng le rotloetsa tsela ya go tlhaola setso sa Batlharo Boo Tokwana Ba Ga Masibi
AfriForum le ofisi ya ga Kgosi Mogakolodi Masibi wa baagi ba setso sa Batlharo Boo Tokwana Ba Ga Masibi ba Disaneng, ka fa bophirima jwa Mahikeng kwa porofenseng ya Bokone Bophirima ba ne ba dirisana mmogo go tlhoma matshwao a a amogelang maloko a morafe le baeti mo Motseng wa morafe ono. Matshwao a Setswana a buisega jaana “Batlharo Boo Tokwana ba ga Masibi ba lo amogela mo Disaneng.”
“Baagi ba rona ba na le seane se se reng: ‘Morafe o senang ngwao, ga o iketse, e bile, leina tsela’.Re motlotlo go bo re na le matshwao ka puogae ya rona a a amogelang maloko a morafe le baeti mo lefelong le re le bitsang legae,” Kgosi Mogakolodi Masibi, Kgosi ya morafe wa setso wa Batlharo Boo Tokwana Ba Ga Masibi a rialo.
“Go tshedisana mmogo ka kagiso go a kgonega fa merafe ya setso e amogelana le go tlotlana. Go nna le setso se se siameng le go itlotla go thaya motheo wa go kgona go tlotla ditso tse dingwe. Ka jalo ke tshiamelo mo go rona go dira diporojeke tse di tshwanang le tse, tse di rotloetsang go tlhaola setso, ka tirisanommogo le Kgosi Masibi le morafe o a o eteletseng pele,” ga rialo Nantes Kelder, Mookamedi wa Porojeke ya Bosetšhaba wa Dikamano tsa Ditso Tse di Farologang le Tirisanommogo kwa AfriForum.
“AfriForum e tshwaregile ka go momaganya mmogo merafe ya setso e e nang le tirisanommogo go tlhomamisa isagwe ya ditso tsotlhe mo ntlheng ya borwa jwa Afrika. Tumelano ya kamogelano le tirisanommogo mogo magareng ga AfriForum le Batlharo Boo Tokwana Ba Ga Masibi le porojeke eno e e tswang mo tumalanong eno e bontsha ka moo momagano eno e ntseng e gola ka gone mo morafeng,” ga rialo Barend Uys, Mookamedi wa Dikamano tsa Ditso le Tirisanommogo kwa AfriForum.
