Podsending

Die spoed waarteen die ratte van ons wêreld draai, kan die gewone persoon maklik oorweldig. Tog word vele mense deur hul onbeperkte nuuskierigheid aangepor om soveel as moontlik van die mensdom se debatte, strydpunte en politieke manewales te verstaan. Die gewone persoon wat werk of studeer het egter nie altyd tyd om hul brandende vrae oor filosofie en politiek deeglik na te vors nie. En dis die podsending se doel: Om hierdie mal wêreld vir jou net so bietjie meer verteerbaar te maak terwyl jy werk toe ry of jou oggendkoffie geniet.