AfriForum pak Eskom in die hof aan
AfriForum het regsaksie geneem om inligting oor Eskom se omstrede kontrakte in te win. Dit volg nadat Eskom doelbewus sekere inligting weerhou het wat AfriForum ingevolge die Wet op Bevordering van Toegang tot Inligting (PAIA) aangevra het. Die mislukking van Eskom is besig om die land onberekenbare skade toe te dien. Daarom veg AfriForum in die hof vir deursigtigheid en dus dat die inligting oor Eskom se kontrakte bekend gemaak moet word. Indien AfriForum met die aansoek slaag en enige ongerymdhede opgespoor word, sal daar op die strengste moontlike wyse teen Eskom opgetree word.
Steun AfriForum in hierdie aksie deur jou naam by te voeg.
