Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum dien formele klag by Gelykheidshof in oor onwettige rassediskriminasie teen TEARS Foundation

DeurAfriForum 08/03/202208/03/2022

Die burgerregteorganisasie AfriForum het ’n formele klag van onregverdige rassediskriminasie teen die GBVF Response Fund1 en Tshikululu Social Investments weens hul diskriminerende befondsingskriteria teen die TEARS Foundation . AfriForum tree op namens die TEARS Foundation, ’n niewinsgewende organisasie wat sedert 2012 aan die voorpunt van Suid-Afrika se reaksie op seksuele- en geslagsgebaseerde geweld staan.

In hul aansoekproses vir befondsing vanaf die bogenoemde organisasies is TEARS gevra om die bevolkingsgroep of rasse-identiteit van die direkteure te identifiseer en om ’n breëgebaseerde swartekonomiesebemagtiging-sertifikaat of affidavit in te dien. Die aansoekproses maak alleenlik voorsiening vir die volgende rassekategorieë: swart mense, bruin mense, buitelander en ander. Hierdie streng rassekategorieë dien as ’n duidelike struikelblok vir TEARS om aansoek te doen vir befondsing.

TEARS voer sterk aan dat die uitsluiting van sekere bevolkingsgroepe om aansoek te doen vir befondsing die grondwetlike beginsels van gelykheid en nierassigheid ernstig beledig. Daarbenewens versuim hierdie organisasies ook om kennis te neem van die feit dat die meerderheid van die hulp wat TEARS verskaf na die mees kwesbare Suid-Afrikaners gaan wat toevallig, in die oorgrote meerderheid van gevalle, swart is.

“Die omvang van rasbeheptheid in Suid-Afrika word duidelik uitgewys in hierdie geval waar ’n organisasie wat geslagsgebaseerde geweld beveg, verbied word om befondsing te ontvang omdat hulle nie aan SEB-vereistes voldoen nie. Dit dui op die rassediskriminerende omgewing wat die ANC deur sy rasse-agenda en -beleide verskoon, bevorder en aanmoedig. Dit is skandelik,” sê Ernst van Zyl, veldtogbeampte vir strategie en inhoud by AfriForum.