Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-tak in Bethlehem sny gras om dorp te verfraai en beveilig

DeurAfriForum 27/01/202327/01/2023

Die AfriForum-tak in Bethlehem het die afgelope maand steeds onverpoosd gewoeker met die grassny om die dorp, begraafplase en die Bethlehem-museum netjies en veilig te hou. Die grassny-projek is gedurende Desember 2022 geloods waar dit aanvanklik meer as twee weke geneem het om die volgende areas se gras te sny: Die Bethlehem-museum en die Môrelig-, Anglo-Boereoorlog-, Baken Park- en die Bohlokong-begraafplase.

Volgens Marc Timmins, voorsitter van die Bethlehem-tak, was hierdie areas in ’n haglike toestand maar dat daar nou goeie vordering gemaak is. Die span het op 23 Januarie teruggekeer om die gras te sny en kon dit hierdie keer binne slegs vier dae regkry. Al hierdie areas is eers skoongemaak voordat die gras gesny is.

“Ons grassny-projek het vir verskeie gemeenskappe weer toegang tot die begraafplase gegee. Dit was ongelooflik om te sien hoeveel dit vir hulle beteken dat AfriForum hulle met hierdie projek help. Dit verfraai nie net die dorp se voorkoms nie, maar het ook ’n positiewe impak op die dorp se ekonomie en veiligheid,” sê Timmins verder.

“Bethlehem se AfriForum-tak doen baie om die dorp netjies en veilig te hou en die gemeenskap is hulle groot dank verskuldig. Die grassny-projek maak ’n reuse-verskil om die dorp se veiligheid op te skerp. As die munisipaliteit nie hul pligte nakom en die onderhoud gaan doen nie, sal ons dit self doen. Hoe meer die gemeenskap betrokke raak, hoe meer gaan die dorp vooruitgaan,“ sê Chris Morgan, distrikskoördineerder van die Hoogland.

Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Bethlehem” na 45344 (R1).