Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Middelburg-tak help DBV

DeurAfriForum 12/07/202312/07/2023

AfriForum se Middelburg-tak het op Saterdag 8 Julie saam met Mejuffrou Mpumalanga Toerismekoningin (“Miss Mpumalanga Tourism Queen”) ’n projek by die dorp se Dierebeskermingsvereniging (DBV) geloods.

Die DBV se geboue val uitmekaar en het dringend onderhoud nodig, maar dié organisasie het nie die geld om dit te laat doen nie. Al hulle fondse word op die diere se kos, mediese uitgawes en algemene welstand spandeer.

“Van die geboue is erg gekraak en die verf dop af. Daarom het lede van ons Middelburg-tak besluit om in te spring, die geboue te begin afskuur en die krake met kraakvuller op te vul. Dit is die minste wat ons kan doen,” sê Hennie Bekker, distrikskoördineerder vir die Hoëveld.

Die tak het reeds die verf om die geboue oor te verf aangekoop en beoog om die projek oor die volgende paar weke af te handel.

“Hierdie organisasie het ons hulp nodig om aan te hou met hulle belangrike werk sonder om hulle oor die geboue te bekommer,” sê Mike Ebersohn, voorsitter van AfriForum se Middelburg-tak.

Klik hier en sluit aan by die Middelburg-tak.