Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

Samewerking tussen AfriForum 911 en SAPD lei tot arrestasies ná plaasaanval

Deurafriforum 20/12/201702/11/2020

Drie verdagtes is gisteroggend omstreeks 01:50 gearresteer ná ’n plaasaanval in die Overberg-distrik. In dié aanval is ’n boer en sy seun onderskeidelik in die hand en rug gewond. Die seun is in ’n stabiele toestand in die hospitaal. Danksy die SAPD se vinnige optrede en AfriForum 911 wat leidrade opgevolg het, kon die verdagtes gearresteer word.

“Samewerking tussen gemeenskappe en die SAPD is van kardinale belang om misdaad voortdurend te bekamp. Ons is dankbaar dat ons spoedig van hulp kon wees,” sê Johandré van Zyl, AfriForum se streekveiligheidskoördineerder vir die Wes-, Oos- en Noord-Kaap.

Enige persoon wat by AfriForum se veiligheidstrukture betrokke wil raak, kan die woord “Veilig” na 45353 SMS (R1).