Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Só lyk Mosselbaai-tak se nuwe bestuur

DeurAfriForum 29/02/202429/02/2024

Die AfriForum-tak in Mosselbaai het Dinsdag (27 Februarie) nuwe bestuurslede tydens ’n gemeenskapsvergadering verkies. Flip Buys, voorsitter van die Solidariteit Beweging, en Kallie Kriel, uitvoerende hoof van AfriForum, was eregaste van die geleentheid en het die gemeenskap toegespreek oor dit wat die Solidariteit Beweging en AfriForum vanjaar wil bereik. Buys en Kriel het ook die Mosselbaai-tak se nuwe bestuur verwelkom.

Die nuwe bestuur is: Jean Lategan (voorsitter), Pieter de Villiers (ondervoorsitter), Amanda Lategan (sekretaris), Lukas Swart (tesourier), Etienne Erlank (gemeenskapsveiligheid), Magnus Stone (omgewingsake en jeug), Andre Slippers (plaaslikeregeringsake), Joy Cook (bemarking en projekte) en Louis Cook (kultuur en toerisme).

“Dis bemoedigend om te sien hoe gemeenskapslede bereid is om hul tyd en energie af te staan om ’n verskil in hul gemeenskap te maak. Ons is dankbaar vir die vorige bestuur wat die weg gebaan het vir die nuwe bestuur om gemeenskapskwessies aan te pak,” sê Marthinus Erasmus, AfriForum se distrikskoördineerder vir die Suid-Kaap.

Erasmus het ook spesiaal vir die Cook-egpaar, stigterslede van die tak, uitgesonder wat ná 12 jaar as onderskeidelik voorsitter en sekretaris uittree om voorts nuwe rolle by die tak aan te neem.

Lategan, die nuutverkose voorsitter, het onderneem om die gemeenskap by alle aangeleenthede te betrek, en te fokus op ’n samewerkingsverhouding met die plaaslike regering en ander rolspelers. Gemeenskapsveiligheid sal ook een van die belangrikste fokuspunte vir die tak wees.

Gemeenskapslede word aangemoedig om by hul naaste AfriForum-tak betrokke te raak om ’n daadwerklike verskil in hul gemeenskap te maak. Stuur ’n e-pos aan marthinus.erasmus@afriforum.co.za of kontak hom by 081 216 9602 vir meer inligting.