Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Argiewe

AfriForum-buurtwagte aan Wes-Rand en in Vaaldriehoek neem aan nasionale patrollie deel

Deurafriforum 24/07/201802/11/2020

Die AfriForum-buurtwagte in Roodepoort, Vanderbijlpark en Randfontein het op Vrydag, 20 Julie 2018 aan die burgerregte-organisasie se nasionale patrollie deelgeneem.
Tydens dié patrollie het 146 patrolleerders van dié AfriForum-buurtwagte in 92 voertuie byna 4 070 km afgelê en drie voorvalle suksesvol in samewerking met die SAPD hanteer. Twaalf ander veiligheidsinstellings het saam met AfriForum aan die patrollie deelgeneem, onder meer gemeenskapspolisiëringsforums, sekuriteitsmaatskappye, die SAPD en ander privaat buurtwagte.

“AfriForum loods hierdie nasionale patrollies om sigbaarheid en samewerking te verbeter, en die veiligheid van ons gemeenskappe te verseker,” sê Dewet Ungerer, AfriForum se distrikskoördineerder vir die Wes-Rand en Vaaldriehoek.
“AfriForum doen ’n beroep op gemeenskappe om betrokke te raak en self hul veiligheid te prioritiseer. Ons kan nie slegs op die staat vertrou om na ons veiligheid om te sien nie. Raak by enige plaaslike veiligheidsinstelling betrokke of sluit vandag nog by AfriForum aan en word deel van die oplossing,” sluit Ungerer af.

SMS “Buurtwag” na 45352 (R1).