Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum in hof met hersieningsaansoek oor SAMRK-besluit oor Malema-haatspraak

DeurAfriForum 08/05/202308/05/2023

Die burgerregteorganisasie AfriForum was vandag in die Hooggeregshof in Johannesburg vir ’n hersieningsaansoek oor die Suid-Afrikaanse Menseregtekommissie (SAMRK) se 2019 besluit dat Julius Malema, leier van die EFF, na hulle mening nie in 2016 haatspraak gepleeg het tydens ’n byeenkoms in Newcastle nie. Malema het op hierdie geleentheid, onder andere, gesê: “We are not calling for the slaughtering of white people, at least for now.”

AfriForum het in 2019 hofstukke ingedien om die SAMRK se besluit op hersiening te neem. Die saak word aangehoor deur regter Roland Sutherland.

“Die lys van gevalle waar blatante dubbele standaarde toegepas word met betrekking tot duidelike haatspraak wat teenoor rasseminderhede in Suid-Afrika gepleeg word hou aan groei. Hierdie tendens moet dringend gestuit word en deur sake soos hierdie speel AfriForum ’n belangrike rol in hierdie stryd,” sê Ernst van Zyl, veldtogbeampte vir strategie en inhoud by AfriForum.

Die saak gaan môre voort.