Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Lichtenburg-tak vul slaggate

DeurAfriForum 14/02/202214/02/2022

Die AfriForum-tak in Lichtenburg het op 10 Februarie in samewerking met Noordwes Koöperasie (NWK) en Chris Breedt, ’n sakeman in die dorp, ’n teerprojek in Kerkstraat voltooi.

NWK het teer vir die projek geskenk, terwyl Breedt werkers betaal het om die arbeid te verrig. Altesaam 106 slaggate is in Kerkstraat gevul as deel van AfriForum se padherstelprojek wat in Maart 2021 begin is.

“Ons dorp se paaie word al vir etlike jare deur die munisipaliteit afgeskeep wat geen onderhoud of herstelwerk doen nie. Ná die baie reën wat ons in Lichtenburg gehad het, het die paaie verder gedisintegreer. Ons weier egter om die toestand van die paaie te aanvaar en sal voortgaan om die dorp saam met die gemeenskap en organisasies soos NWK op te knap en te verbeter. Ons doelwit is om die projek op ’n volhoubare wyse te dryf en dit is in dié stadium moontlik omdat ons baie goeie samewerking kry vanuit die gemeenskap,” sê Steyn Kearney, voorsitter van AfriForum se Lichtenburg-tak.

“Dit is lekker om te sien dat die Lichtenburg-gemeenskap toenemend eienaarskap neem van hul dorp. Ons is dankbaar dat organisasies met ons hande vat, want saam sal ons ’n verskil kan maak en aanhou veg teen die munisipale verval in Lichtenburg,” sê Petrus Coetzee, AfriForum se distrikskoördineerder vir Marico.

Kontak gerus vir Pine Pienaar, bestuurslid van die tak wat die projek bestuur, by 082 371 5312. Word ook vandag nog deel van AfriForum se Lichtenburg-tak: SMS “Lichtenburg” na 45344 (R1).

Argiewe

Gemeenskapsamewerking red kapingslagoffer

Deurafriforum 11/07/201702/11/2020

AfriForum-buurtwagte, die Suid-Afrikaanse Polisiediens (SAPD), GE Response en die gemeenskapspolisiëringsforum (GPF) in die Bronkhorstspruit-gebied het op 6 Julie 2017 ’n kapingslagoffer wat ontvoer…