Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Bronkhorstspruit-tak hou kranslegging by die Slag van Bronkhorstspruit-monument

DeurAfriForum 27/09/202227/09/2022

Die AfriForum-tak in Bronkhorstspruit het op 24 September ’n kranslegging by die Slag van Bronkhorstspruit-monument op Klipeiland gehou.

Alhoewel die Slag van Bronkhorstspruit op 20 Desember 1880 plaasgevind het, is Erfenisdag gekies as die geskikte dag om die kranslegging te hou. Ds. Gerhard Olivier het die toeskouers met ’n kragtige boodskap toegespreek en met gebed geopen. Kol. Chris van Wyk (afgetree) het meer inligting oor die oorsprong en die huidige ligging van die monument gegee.

Na afloop van die verrigtinge het almal Erfenisdag by die NG Kerk Nooitgedacht gevier.

“Ons moedig graag die plaaslike skole, ondernemings en alle inwoners aan om by ons projekte betrokke te raak en ons gemeenskap te verbeter. Dis wonderlik om te sien hoe tak-strukture al hoe meer volhoubare aksies in hulle gemeenskappe bestuur. Die geskiedenis is bitter belangrik en speel ’n belangrike rol in ons almal se lewens. Dit help ons om uit die verlede te leer en om sodoende beter besluite in die toekoms te neem. Daarom is dit só belangrik dat hierdie geskiedkundige monumente, wat ons aan die verlede herinner, vir die toekoms behoue moet bly,” sê Sampie Steinberg, distrikskoördineerder vir Pretoria-Noord.

Sluit gerus met ’n vrywillige maandelikse bydrae aan deur op die gratis Telegram-boodskap-toepassing ’n kort verifikasie by https://t.me/AfriForumBuurtBot te doen, of SMS “Bronkhorstspruit” na 45340 (R1).

Mediaverklarings | Plaaslikeregeringsake Mediaverklarings

Rand Water-saak: Waterbesnoeiings dalk iets van die verlede ná AfriForum ingryp

DeurAfriForum 26/03/202426/03/2024

Die toepassing van waterbesnoeiings as skuldinvorderingsmeganisme vir uitstaande skuld, soos dié wat Rand Water onlangs in verskeie munisipaliteite in Gauteng,…